پرەزيدەنت سۇحباتىنداعى باسىمدىقتار بايىپتالدى

سەنات دەپۋتاتتارى نۇرتورە ءجۇسىپ, رۋسلان رۇستەموۆ جانە ناۋ­رىزباي بايقاداموۆ قىزىل­ور­دا وبلىسىنداعى شيەلى اۋدانىندا «رۋحاني ورتالىقتىڭ» اشىلۋىنا قاتىسىپ, ونىڭ مەم­لەكەت باسشىسىنىڭ «Ana tili» گازەتىنە بەرگەن سۇحباتىندا ايتىل­عانداي, حالىقتىڭ دۇنيە­تانىمىن كورسەتەتىن جۇيە رەتىن­دە قازاق ءتىلىن دامىتۋعا ناقتى ۇلەس قوسۋمەن قاتار, ءوڭىردىڭ الەۋ­مەتتىك جانە مادەني ينفراقۇ­رىلىمىن دامىتۋ مەن ءار ادام­نىڭ رۋحاني كەمەلدەنۋىنە مۇم­كىن­دىك بەرەتىنىن اتاپ ءوتتى.

«پرەزيدەنتتىڭ قازاق ءتىلىن دامىتۋدىڭ ماڭىزى تۋرالى تۇ­جى­رىمى ۇلتتىق قازىنانى ساق­تاۋ مەن نىعايتۋعا دەگەن ۇم­تى­لىس قانا ەمەس, بولاشاق ۇرپاق ال­دىنداعى جاۋاپكەرشىلىكتى دە كورسەتەدى. قازاق ءتىلىن دامىتۋ – مەملەكەتتىڭ عانا ەمەس, قا­زاق­ستاننىڭ ءاربىر ازاماتىنىڭ مىندەتى. ەلىمىزدىڭ بارلىق ەتنوس­تىق توپتارىنىڭ تىلگە دەگەن قۇر­مەتى مەن قولداۋى ءبىرتۇتاس, مىق­تى جانە وركەندەگەن ۇلت قۇرۋعا, ءوز ەرەكشەلىگىن ساقتاۋعا جانە ءارى قاراي وركەندەۋ جولىمەن سەنىمدى تۇردە ىلگەرىلەۋگە كومەكتەسەدى», دەدى ن.ءجۇسىپ.

سونداي-اق دەپۋتاتتار تۇر­عىن­­دارمەن اڭگىمە بارىسىندا مەملەكەت باسشىسىنىڭ 2025 جىلدى «جۇمىسشى ماماندىقتار جىلى» دەپ جاريالاۋ تۋرالى باستاماسىن تالقىلادى.

ال سەناتورلار دارحان قى­دىر­­الى مەن اليشەر ساتۆال­ديەۆ «مەملەكەتتىك تەحنيكالىق قىزمەت» اق ۇجىمىمەن كەزدەس­تى. وندا تسيفرلاندىرۋدىڭ بولا­شاعى, جاساندى ينتەللەك­تىنى قولدانۋدىڭ ارتىقشىلى­عى مەن نەيروجەلىلەردىڭ دامۋى تۋىنداتاتىن قاۋىپ­تەر تالقىلاندى. دەپۋتاتتار اق­پاراتتىق قاۋىپ­سىز­دىك جو­ن­ىن­دەگى ۇلتتىق ۇيلەس­تىرۋ ور­تالىعى مەن تەلەكوم­مۋنيكاتسيا جەلىلەرىن باسقا­رۋ ورتالىعىنىڭ جانە كومپيۋ­تەرلىك ينتسيدەنتتەرگە ارەكەت ەتۋ ۇلتتىق قىزمەتى مەن زياندى كودتى زەرتتەۋ ورتا­لىعىنىڭ جۇمىس بارىسىمەن تانىستى.

«تسيفرلىق تەحنولوگيا ەلى­مىز­دە كەڭىنەن تارالىپ, كۇندە­لىكتى ومىرىمىزگە ەنە باستادى. الايدا جەتىستىكتەرمەن قاتار كيبەركەڭىستىكتەگى قاۋىپ-قاتەر دە كوبەيىپ كەلەدى. وسىعان باي­لا­نىستى تەحنيكالىق ينفرا­قۇ­رىلىمدى جەتىلدىرۋ, زاڭناما­نى بەيىمدەۋ, ءبىلىم بەرۋ باعدارلا­ماسىن دامىتۋ, جاساندى ينتەل­لەك­تىنى جاۋاپكەرشىلىكپەن ەن­گىزۋ سيا­ق­تى كەشەندى شارالاردى قابىلداۋ قاجەت. مەملەكەت باسشىسى بۇل ماسەلەگە ەرەكشە نازار اۋدارىپ وتىر», دەدى د.قىدىرالى.

سونداي-اق سەناتور امانگەلدى نۇعمانوۆ اكتوبە وبلىسىنىڭ اكىمىمەن جانە ءوڭىردىڭ اكتيۆىمەن كەزدەستى. جيىندا اكىم سەناتورعا 2024 جىلدىڭ الەۋمەتتىك-ەكونو­ميكالىق قورىتىندىلارى, اعىم­داعى جۇمىستار مەن وزەكتى ماسە­لەلەر تۋرالى باياندادى. اسىرەسە اۆتوموبيل جولدارىنىڭ جاع­دايى, ەكولوگيالىق احۋال, الەۋ­مەتتىك قىزمەتتەردىڭ ساپاسى, ينفرا­قۇرىلىم جانە ينتەرنەتكە قولجەتىمدىلىك ماسەلەلەرىن ايتتى.

«پرەزيدەنت حالىقتىڭ شىنايى مۇقتاجىنا نازار اۋدارۋ كەرەكتىگىن ايتىپ وتىر. اۋىلدىق ايماقتاردى نىعايتۋ, الەۋمەتتىك جانە كولىك ينفراقۇرىلىمىن دامىتۋ, اگرارلىق سەكتور مەن جاڭا تەحنولوگيانى قولداۋ – ءبارىمىز بىرلەسىپ شەشۋگە ءتيىستى مىندەتتەر», دەدى سەناتور.

سەناتور سەرىك وتەشوۆ تە قاراعان­دى مەديتسينا ۋنيۆەر­سيتەتى مەن قازتۇتىنۋودا­عى ۋنيۆەرسيتەتىنىڭ پروفەس­سور-وقىتۋشىلار قۇرا­مى­مەن جولىقتى. ول مەديتسينا ۋنيۆەر­سيتەتىنىڭ جانىنداعى اۋرۋحانادا بولىپ, ۇجىممەن كەزدەسۋدە وسىنداي مەكەمەلەردىڭ ماڭىزىن اتاپ ءوتتى. مۇندا وقى­تۋ­شىلاردىڭ عىلىمي ءبىلىمى تاجىريبەدە ءساتتى قولدانىلادى. كەزدەسۋ بارىسىندا پرەزيدەنت جولداۋىن ىسكە اسىرۋ بارىسى جان-جاقتى تالقىلاندى. س.وتەشوۆ مەملەكەت دارىگەرلەردىڭ مارتە­بەسىن ارتتىرۋعا وراي شارالار قا­بىلداپ جاتقانىنا توقتا­لا كەلىپ, وعان مەديتسينا قىز­مەت­كەرلەرىن كاسىبي مىندەتتەرىن ورىن­داۋ كەزىندە قورعاۋعا ارنال­عان زاڭنامالىق وزگەرىستەر دە كىرەتىنىن جەتكىزدى.

سەنات دەپۋتاتى سەرىك شاي­دا­روۆ ۇلىتاۋ وبلىسىنداعى جاڭاار­قا اۋدانىندا بولىپ, ورمان تۇقىمباعىنىڭ قۇرىلىسى بارىسىمەن تانىستى. ول جوبا جەتەكشىسىمەن بىرگە قۇرىلىستىڭ قازىرگى جاعدايىن كورىپ, نىساننىڭ ايماق پەن جالپى ەلىمىزدىڭ ەكولو­گيالىق ءال-اۋقاتىنىڭ ماڭى­زىن اتاپ ءوتتى. پرەزيدەنت «Ana tili» گازەتىنە بەرگەن سۇحبا­تىن­دا ورمان تۇقىمباعىن ەكولوگيا­لىق كۇن تارتىبىنە سايكەس كە­ل­ەتىن تۇراقتى ورمان شارۋاشىلى­عىنىڭ ەتالونىنا اينالدىرۋ جوسپارلانعانىن ايتقان ەدى.

دەپۋتات سونداي-اق قارا­اعاش اۋىلدىق وكرۋگىندە اقساقال­دارمەن جانە جەرگىلىكتى تۇرعىن­دارمەن كەزدەسىپ, جولداردى اسفالتتاۋ, حالىقتى مەديتسينالىق كومەكپەن قامتاماسىز ەتۋ جانە سپورت كەشەنىن سالۋ ماسەلەلەرىن تالقىلادى. ول ىنتىماق اۋىلىندا ەلەكتر بەرۋ جەلىلەرىن سالۋ بويىنشا جوبالاۋ-سمەتالىق قۇجاتتامامەن دە تانىستى. سە­نا­تور مۇنداي جوبالاردىڭ وڭىر­دەگى ءومىر ءسۇرۋ ساپاسىن جاق­سارتۋدا ماڭىزى زور ەكەنىن جانە ينفراقۇرىلىمدى دامىتۋ جو­نىندەگى ۇلتتىق ستراتەگياعا سايكەس كەلەتىنىن ايتتى.