فوتو: وبلىس اكىمدىگى
ول 1963 جىلى اقتوبە وبلىسىنىڭ ويىل اۋدانىندا دۇنيەگە كەلگەن. 1985 جىلى باتىس قازاقستان اۋىل شارۋاشىلىعى ينستيتۋتىن «اگرونوميا», 2008 جىلى الماتى ەكونوميكا جانە ستاتيستيكا اكادەمياسىن «ەسەپ جانە اۋديت», 2020 جىلى ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىن «قۇقىقتانۋ» ماماندىقتارى بويىنشا اياقتاعان.
ەڭبەك جولىن 1980 جىلى اقتوبە وبلىسىنىڭ يساتاي سوۆحوزىندا جۇمىسشى بولىپ باستاعان. 1985-1991 جىلدارى «اقىراپ» كەڭشارىنىڭ اگرونومى, سول كەڭشاردىڭ قازاقستان جاستار وداعى لەنيندىك كوميتەتىنىڭ حاتشىسى, يساتاي اۋداندىق كوممۋنيستىك پارتيا كوميتەتى ۇيىمداستىرۋ ءبولىمىنىڭ نۇسقاۋشىسى, قوبدا اۋداندىق كوممۋنيستىك پارتيا كوميتەتىنىڭ ۇيىمداستىرۋ, اۋىل شارۋاشىلىعى بولىمدەرىنىڭ نۇسقاۋشىسى بولعان.
1991-2011 جىلدارى قوبدا اۋداندىق اۋىل شارۋاشىلىعى باسقارماسىنىڭ باس اگرونومى, سودان كەيىن باسقارما باستىعىنىڭ ورىنباسارى جانە «بەستاۋ» جشس-ءنىڭ ديرەكتورى, اقتوبە وبلىستىق جەر قاتىناستارى باسقارماسى باستىعىنىڭ ورىنباسارى, قر جەر رەسۋرستارىن باسقارۋ اگەنتتىگىنىڭ اقتوبە جانە باتىس قازاقستان وبلىستارى بويىنشا وڭىرارالىق جەر ينسپەكتسياسىنىڭ باستىعى بولىپ قىزمەت ەتكەن.
2011-2024 جىلدارى قوبدا, تەمىر, قارعالى اۋداندارىن باسقارعان. 2024 جىلدىڭ تامىز ايىنان وبلىستىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى قىزمەتىن اتقارعان.
