فوتو: اشىق دەرەككوز
«2025 جىلدىڭ العاشقى بەس كۇنىندە 199 ادامدى ەسەپكە الىپ, ەۆاكۋاتسيالادىق, ونىڭ 27-ءسى بالا. سونداي-اق قار قۇرساۋىنان 22 تەحنيكا, ونىڭ ىشىندە ءبىر اۆتوبۋس شىعارىلدى», دەدى ماگومەد احريەۆ.
ونىڭ ايتۋىنشا, 2024-2025 جىلدارداعى قىسقى كەزەڭدە توتەنشە جاعدايلارعا جەدەل دەن قويۋ ماقساتىندا ءمينيستردىڭ بۇيرىعىمەن 37 مىڭنان استام جەكە قۇرام مەن 13 مىڭنان استام تەحنيكا توپتاماسى بەكىتىلگەن.
سونداي-اق ورتالىق جانە جەرگىلىكتى اتقارۋشى ورگاندار ءۇشىن ارنايى مىندەتتەر ايقىندالعان.
«رەسپۋبليكالىق دەڭگەيدە باسقارۋ ورتالىعىنىڭ بازاسىندا وسى توتەنشە جاعدايلارعا بايلانىستى ءىس-قيمىلداردى ۇيلەستىرەتىن رەسپۋبليكالىق جەدەل شتاب جۇمىس ىستەيدى. مۇنداي شتابتار وبلىستىق دەڭگەيدە دە بار. سونداي-اق رەسپۋبليكا اۋماعىندا ءبىر جارىم مىڭنان استام ەۆاكۋاتسيالاۋ جانە جىلىتۋ پۋنكتى قۇرىلدى», دەدى م.احريەۆ.
توتەنشە جاعدايلار مينيسترلىگى ەل ازاماتتارىنا باسقا ەلدى مەكەندەرگە ساپارلارىن اۋا رايى جاعدايىن ەسكەرە وتىرىپ جوسپارلاۋدى, سونداي-اق توتەنشە جاعدايلار تۋرالى ەسكەرتۋلەرگە نازار اۋدارۋدى ەسكەرتەدى.
