فوتو: اشىق دەرەككوز
«وسىعان بايلانىستى قوناەۆ قالاسىنىڭ اكىمدىگى مەردىگەر كومپانيا تاۋەلسىز اۋديتتەرگە جۇگىنگەنىن حابارلايدى. ءاۋديتتىڭ ناتيجەسىنە سايكەس, كەمشىلىكتەر انىقتالسا, اكىمدىك تاراپىنان مەردىگەرگە قاتىستى ءتيىستى شارالار قابىلدانادى», دەلىنگەن حابارلامادا.
ايتا كەتەيىك, قالالىق تۇكش جانە ءتۇي ءبولىمىنىڭ مەملەكەتتىك تاپسىرىسىن ورىنداۋعا پورتال ارقىلى «جاسىل قالا قوناەۆ» شجق مكك تاڭدالعان.
«اتالعان مەكەمە ورتالىق الاڭعا شىرشا, د.قوناەۆ ەسكەرتكىشى ماڭىنا 2025 مەرەكەلىك جازۋىن, ءتۇرلى ويىنشىقتار ورنالاستىرىپ, №5 جاعاجاي اۋماعىن بەزەندىرىپ, پارك, كوپىر, قالاعا كىرەبەرىستەگى ستەللا مەن اللەيالاردى جارىقتاندىرعان, مەرەكەلىك ويىنشىقتار قويعان. مەملەكەتتىك تاپسىرىستى بەرۋ كەزىندە تەك جاڭا جىلدا عانا ەمەس, جىل سوڭىنا دەيىن نىسانداردىڭ جارىقتاندىرىلىپ, كورىكتى بولۋى ەسەپكە الىنعان. ال №5 جاعاجاي تۋريستىك تارتىمدىلىقتى ارتتىرۋ ماقساتىندا بەزەندىرىلدى. شاعىن ساۋلەتتىك نىساندار «جاسىل قالا قوناەۆ» شجق مكك بالانسىندا قالىپ, كەلەر جىلى دا پايداعا اسادى. جىل سوڭىندا قالانى بەزەندىرۋگە مەملەكەتتىك تاپسىرىس تەك قوسىمشا ارلەۋ رەتىندە جاسالادى», دەپ حابارلادى قالا اكىمدىگىنىڭ ءباسپاسوز قىزمەتى.
