فوتو: ۆيدەودان كادر
اقمولا وبلىستىق پوليتسيا دەپارتامەنتىنىڭ مالىمەتىنشە, استانا-ششۋچينسك تاس جولىندا 95 كولىكتىڭ قاتىسۋىمەن بولعان ءىرى جول-كولىك وقيعاسىنان كەيىن زارداپ شەككەن 11 ادام اۋرۋحاناعا جەتكىزىلگەن.
«70-تەن استام ادام جىلىتۋ ورتالىقتارىنا جەتكىزىلىپ, ازىق-ت ۇلىكپەن قامتاماسىز ەتىلدى», دەلىنگەن تجم حابارلاماسىندا.
قازىرگى ۋاقىتتا جول ۋچاسكەسىندە زارداپتاردى جويۋ جۇمىستارى جالعاسىپ جاتىر, وقيعا ورنىندا پوليتسيا قىزمەتكەرلەرى, توتەنشە جاعدايلار قىزمەتى جانە «قازاۆتوجول» ماماندارى جۇمىس ىستەپ جاتىر.
پوليتسەيلەر جۇرگىزۋشىلەردەن پاترۋلدىك پوليتسيا قىزمەتكەرلەرىنىڭ تالاپتارىن مۇلتىكسىز ورىنداۋدى, ولاردىڭ جۇمىسىنا كەدەرگى جاساماۋدى سۇرادى.
«جۇرگىزۋشىلەردى اۋا رايى جاعدايىن ەسكەرىپ, جولداردا وتە ساق بولۋعا جانە جاعداي جاقسارمايىنشا بۇل باعىتتا جۇرمەۋگە شاقىرامىز», دەپ سۇرادى پوليتسيا قىزمەتكەرلەرى.
