فوتو: اشىق دەرەككوز
مەملەكەت باسشىسىنىڭ ايتۋىنشا, بۇگىنگى دۇربەلەڭگە تولى دۇنيەدە تەحنوگەندىك سيپاتتاعى اپاتتار مەن تابيعات اپاتتارى ەداۋىر كوبەيدى. ونىڭ ءبارىن ەڭسەرۋگە كوپتەگەن ەل, سونىڭ ىشىندە دامىعان مەملەكەتتەردىڭ ءوزى دايىن بولماي جاتادى.
«توتەنشە جاعدايعا توتەپ بەرۋ تۇرعىسىنان, قازاقستان باسقا ەلدەرمەن سالىستىرعاندا لايىقتى ورىندا تۇر.
جەلتوقساننىڭ سوڭعى كۇندەرى اقتاۋ قالاسىندا ازەربايجان اۋە كومپانياسىنىڭ ۇشاعى اپاتقا ۇشىرادى. 38 ادام قازا بولدى, ونىڭ ىشىندە ەلىمىزدىڭ 6 ازاماتى بار. اۋىر جاراقات العاندار دا كوپ. مۇنداي ساتتە ءاربىر سەكۋند قىمبات. قۇتقارۋشىلار, دارىگەرلەر مەن ءتارتىپ ساقشىلارى شۇعىل ءارى ۇيلەسىمدى ارەكەت ەتتى, كاسىبي دەڭگەيى مەن ازاماتتىق جاۋاپكەرشىلىگى جوعارى ەكەنىن كورسەتتى. جاقىن جەردەگى ماڭعىستاۋ وڭىرلىك ەلەكتر تورابى كومپانياسىنىڭ جۇمىسشىلارى بىردەن كومەككە كەلدى. توڭىرەكتەگى تۇرعىندار دا زارداپ شەككەندەردى قۇتقارۋعا اتسالىستى. ازاماتتارىمىزدىڭ جانقيارلىعى ارقاسىندا بارىنشا كوبىرەك ادامنىڭ ءومىرىن ساقتاپ قالدىق. مەن قۇتقارۋ جۇمىستارىنا قاتىسقان ءاربىر ادامعا شىن كوڭىلدەن ريزاشىلىعىمدى بىلدىرەمىن. قازاق حالقىنىڭ اپاتتان زارداپ شەككەندەرگە جاناشىرلىعى مەن تىلەۋلەستىگى ازاماتتارىمىزدىڭ جاپپاي قان تاپسىرۋعا اسىققانىنان دا ايقىن بايقالدى», دەدى پرەزيدەنت.
مەملەكەت باسشىسى ۇشاق اپاتىنىڭ سەبەبىن انىقتاۋ ءۇشىن ۇكىمەت كوميسسياسى قۇرىلعانىن اتاپ ءوتتى. سونىمەن بىرگە ەلىمىزگە 17 حالىقارالىق ساراپشى شاقىرىلدى. ونىڭ ىشىندە حالىقارالىق ازاماتتىق اۆياتسيا ۇيىمىنىڭ جانە مەملەكەتارالىق اۆياتسيا كوميتەتىنىڭ ماماندارى بار.
«ۇكىمەت كوميسسياسى مالىمەتتىڭ ءبارى جازىلعان ارنايى قۇرىلعىنى سول ۇشاقتى جاساعان برازيليا ەلىنە جىبەرۋ تۋرالى شەشىم قابىلدادى. بۇل قادام تەرگەۋ جۇمىستارىنىڭ وبەكتيۆتى ءارى بەيتاراپ جۇرگىزىلۋىنە قاجەتتى بىردەن-ءبىر دۇرىس شەشىم ەكەنىنە سەنىمدىمىن», دەپ تۇيىندەدى قاسىم-جومارت كەمەل ۇلى.
