فوتو: gov.kz.
قورعانىس ىستەرى جونىندەگى دەپارتامەنت باستىعىنىڭ ورىنباسارى پودپولكوۆنيك جاندوس كۇلدەرباەۆ مەرەيتوي يەسىنە قورعانىس ءمينيسترى گەنەرال-پولكوۆنيك رۋسلان جاقسىلىقوۆتىڭ قۇتتىقتاۋ حاتى مەن ەستەلىك سىيلىقتاردى تابىستادى.
زاكىر مۇساەۆ 1925 جىلى 1 قاڭتاردا وڭتۇستىك قازاقستان وبلىسى ەسكى يقان اۋىلىندا دۇنيەگە كەلگەن. 1943 جىلى زاكىر مۇساەۆ اسكەر قاتارىنا شاقىرىلىپ, پەتروپاۆلدا 44-ءشى پولكتە قىزمەت ەتتى. سول جىلدىڭ قىركۇيەگىندە ءوز ەركىمەن مايدانعا اتتانادى. سوعىستا ەكى رەت جاراقات الدى. وتان سوعىسى, قىزىل جۇلدىز وردەندەرىمەن جانە 13 جاۋىنگەرلىك مەدالمەن ماراپاتتالعان.
قورعانىس مينيسترلىگىنىڭ ءباسپاسوز قىزمەتىنىڭ ءمالىم ەتۋىنشە سوعىستان كەيىن زاكىر مۇساەۆ 1950 جىلعا دەيىن درەزدەندەگى نكۆد عيماراتىندا كۇزەت بولىمىندە قىزمەت ەتتى. تۋعان جەرىنە ورالىپ, الدىمەن كالينين اتىنداعى كولحوزدا, سودان كەيىن پارتيانىڭ XXIII سەزى اتىنداعى كەڭشاردىڭ يقان ماقتا ستانتسياسىندا ەسەپشى بولىپ جۇمىس ىستەپ, 1985 جىلى زەينەتكە شىقتى. ءتورت قىز, ءبىر ۇلى بار.
ايتا كەتەيىك, بۇگىندە تۇركىستان وبلىسىندا ەكىنشى دۇنيەجۇزىلىك سوعىسىنا قاتىسقان ون ارداگەر قالدى.
