قازاق سسر حالىق ءارتىسى, مەملەكەتتىك سىيلىقتىڭ لاۋرەاتى بيكەن ريموۆا شىعارماشىلىق جولىن مۇحتار اۋەزوۆتىڭ «ەڭلىك-كەبەك» قويىلىمىنداعى ەڭلىك ءرولىن سومداۋدان باستاعان.
تەاترداعى رولدەرى كوبىنەسە ايەل وبرازىن اشۋعا, بولمىسىن كورسەتۋگە باعىتتالعان. م.اۋەزوۆتىڭ «ەڭلىك-كەبەگىندە» ەڭلىك, «قاراكوزدە» مارجان, ش.ايتماتوۆتىڭ «انا-جەر-اناسىندا» جەر-انا, ن.گوگولدىڭ «رەۆيزورىندا» پوشلەپكينا ت.س.س. رولدەرىن ەرەكشە اتاپ وتۋگە بولادى.
اكتريسا «تاقيالى پەرىشتە», «مەنىڭ اتىم قوجا», «شاباندوز قىز», «قوزى كورپەش پەن بايان سۇلۋ» سىندى بىرقاتار كينولاردا, ءومىرىنىڭ سوڭعى جىلدارى وتاندىق «توعىسقان تاعدىرلار» تەلەحيكاياسىندا رولدەرىن سومدادى.
