«Superpave» اپتاپ ىستىقتان قاتتى ايازعا دەيىن ەكسترەمالدى تەمپەراتۋراعا توتەپ بەرە الاتىن جابىنداردى جاساۋعا ارنالعان. ادىستەمە ايماقتىڭ كليماتتىق ەرەكشەلىكتەرىنە نەگىزدەلگەن اسفالت بەتون قوسپاسىنىڭ كومپونەنتتەرىن مۇقيات تاڭداۋدى جانە توزۋعا توزىمدىلىكتى باعالاۋ ءۇشىن زاماناۋي مودەلدەۋ تەحنولوگيالارىن قولدانۋدى قامتيدى. PG (PerformanceGrade) – قازاقستان ءۇشىن بيتۋمموديفيكاتسياسىنىڭ فوكۋسى بار Superpave تەحنولوگياسىندا قولدانىلاتىن اسفالت بەتوندى تۇتقىر زاتتاردى جىكتەۋ جۇيەسى PG - Gradeبيتۋم قۇرامىن جازعى دالانىڭ اپتاپ ىستىعىنان قىستىڭ قاتتى ايازىنا دەيىنگى تەمپەراتۋرانىڭ شەكتەن تىس وزگەرۋىنە بەيىمدەۋگە مۇمكىندىك بەرەدى.
2023 جىلدان باستاپ ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى ماماندارىنىڭ جۇمىس توبى BR 21882278 «قازاقستان رەسپۋبليكاسىنىڭ قۇرىلىس, جول-قۇرىلىس سەكتورىنىڭ اككرەديتتەلگەن قىزمەتتەرىنىڭ تولىق تسيكلىن كورسەتۋ جونىندەگى قۇرىلىس-تەحنيكالىق ينجينيرينگتىك ورتالىعىن قۇرۋ» جوباسىن ىسكە اسىرىپ وتىر. سونىڭ شەڭبەرىندە «Superpave» تەحنولوگياسىن قازاقستانعا بەيىمدەۋ بويىنشا بەلسەندى جۇمىس اتقارىلىپ جاتىر.
جىل سوڭىندا ۋنيۆەرسيتەت عالىمدارى وتاندىق پوليمەرلەردى پايدالانا وتىرىپ, جەرگىلىكتى شيكىزات نەگىزىندە جاڭا پوليمەرمەن موديفيكاتسيالانعان بيتۋم (پمب) جاساپ شىعاردى. بۇل – 100% وتاندىق ءونىم. سونداي-اق وسى عىلىمي زەرتتەۋلەر سۇيىق مۇناي قالدىقتارىنان جانە قايتالاما پوليپروپيلەننەن پمب الۋ ادىستەرىنە پاتەنتتەر بەرۋگە اكەلدى. ەندى تاجىريبەلىك - ونەركاسىپتىك سىناقتاردى ىسكە قوسۋ جانە پمب-نى ودان ءارى ەنگىزۋ ءۇشىن ازىرلەمەلەردى ونەركاسىپتىك وندىرىسكە ەنگىزۋگە باعدارلانعان «پوليمەرتەك» Start-upكومپانياسى قۇرىلدى. الداعى جىلى استاناداعى تاجىريبەلىك ۋچاسكەلەردە «Superpave» تەحنولوگياسى بويىنشا جاسالعان جول جابىندارىن تەستىلەۋ باستالادى.
سونىمەن قاتار «اۆتوموبيل جولدارى ساپاسىنىڭ ۇلتتىق ورتالىعى» رمك جانە «قازجولعزي» اق-مەن ىنتىماقتاستىقتا حالىقارالىق ستاندارتتارعا سايكەس كەلەتىن نورماتيۆتىك-تەحنيكالىق تالاپتاردى ازىرلەۋ بويىنشا جۇمىستار جۇرگىزىلىپ وتىر.
ءبىر سوزبەن ايتقاندا, ساراپشىلار «Superpave» تەحنولوگياسىن قولدانۋ ەلىمىزدىڭ كولىك جۇيەسىن جاڭعىرتۋداعى ماڭىزدى قادام بولاتىنىن اتاپ ءوتتى. بۇل جولداردىڭ ساپاسىن جاقسارتۋدى قامتاماسىز ەتىپ قانا قويماي, ەلدىڭ حالىقارالىق ارەناداعى پوزيتسياسىن نىعايتادى.
