پەتروپاۆل. 1 مامىر. ۇلى جەڭىستىڭ 70 جىلدىعىنا ارنالعان ءىس-شارالار اياسىندا تارتىپ ساقشىلارىنا قىزمەتتىك كولىكتەردىڭ كىلتتەرى سالتاناتتى جاعدايدا تارتۋ ەتىلدى. بۇل تۋرالى ءوىىد-ءنىڭ ءباسپاسوز قىزمەتى حابارلادى.
«ىشكى ىستەر سالاسىنىڭ ماتەريالدىق-تەحنيكالىق بازاسىن نىعايتۋدىڭ ارقاسىندا قىلمىستار مەن قۇقىقتىق بۇزۋشىلىقتاردىڭ الدىن الۋ, بولدىرماۋ شارالارى ءوز ناتيجەلەرىن بەرىپ كەلەدى. بۇگىن جول-پاترۋلدىك پوليتسيا قۇرىلىمى 45 قىزمەتتىك كولىكپەن تولىعىپ وتىر»,–دەدى ءوز سوزىندە وبلىس اكىمىنىڭ ورىنباسارى ۆلاديمير بۋبەنكو.
«Škoda Octavia», «Lada Granta», «نيۆا», «ۋاز»» سەكىلدى اۆتوموبيلدەردى ساتىپ الۋعا جەرگىلىكتى قازىنادان 80 ميلليون تەڭگە باعىتتالدى. بۇدان تىسقارى قورعانىس مينيسترلىگى قىزمەتتىك ماقساتتار ءۇشىن ەكى اۆتوبۋس ءبولدى.
ال, بۇعان دەيىن قالالىق, وبلىستىق تاس جولداردا پايدالانىلىپ كەلگەن اۆتوموبيلدەر ۋچاسكەلىك پوليتسيا سااقشىلارىنا بەرىلدى.
سالتاناتتى جيىن اياقتالعاننان كەيىن قوناقتارعا ارنايى بولىمشەنىڭ جارىستارى, قارۋدى مەڭگەرۋ ادىستەرى كورسەتىلدى.
شارا ىشكى ىستەر ورگاندارى قىزمەتكەرلەرىنىڭ سالتاناتتى مارشىمەن اياقتالدى.
ءومىر ەسقالي.
دەرەك, سۋرەت: سولتۇستىك قازاقستان ءوىىد-ءنىڭ ءباسپاسوز قىزمەتى.
