كاسىپكەرلەر كونگرەسى ءوتتى

كەشە ء“Radىsson SAS” قوناقۇيىندە “اتامەكەن” وداعى” ۇلتتىق ەكو­نوميكالىق پالاتاسىنىڭ ۇيىمداستىرۋىمەن قازاقستان كاسىپكەرلەرىنىڭ كونگرەسى بولىپ ءوتتى. وندا ەلىمىزدەگى بيزنەس قاۋىمداستىقتاردىڭ پرەزيدەنت جانىنداعى كاسىپكەرلەر كەڭەسىنە, ۇكىمەت جانىنداعى كاسىپكەرلىكتى قولداۋ جونىندەگى ۇيلەستىرۋ كەڭەسىنە ەكونوميكا مەن جەكە كاسىپكەرلىكتى دامىتۋ بويىنشا ۇسىنىستارى دايىندالىپ, كونگرەسكە قاتىسۋشىلار نازارىنا ۇسىنىلدى. شارا پروبلەمالىق سەكتسيالار مەن تاقىرىپتىق سەكتسيالار قورى­تىن­دىسى بويىنشا ەكىگە ءبولىندى. ون­دا مەملەكەتتىك مەكەمەلەر مەن ور­گان­دارىنىڭ, سونداي-اق قولداۋ ىزدەگەن كاسىپكەرلىكتەر باسشىلارىنىڭ باسىن قوسقان بۇل جيىندا ءتۇرلى تاقىرىپتار قوزعالدى. “بيزنەستىڭ جول كارتاسى – 2020” باعدارلاماسىن جۇزەگە اسىرۋ جانە ونى تۇزەتۋ بويىنشا ۇسىنىس­تار” تاقىرىبىندا وتكەن سەكتسيادا ەكو­نوميكالىق دامۋ جانە ساۋدا ۆي­تسە-ءمينيسترى مارات قۇسايىنوۆ كاسىپ­كەرلەردىڭ كوكەيىندە جۇرگەن بىرقاتار سۇراقتارعا جاۋاپ بەردى. اتاپ ايتساق, كاراعاندىدان كەلگەن كاسىپكەر ايەل ءوزىنىڭ قىزمەت كورسەتۋ سالاسى بوي­ىنشا بانكتەردەن نەسيە الا الماي جۇرگەندىگىنەن حاباردار ەتتى. دياگنوس­تيكالىق ورتالىق اشۋعا تالپىنعا­نىما ءبىراز بولدى, بىراق قولىمىزدان ەشتەڭە كەلمەي تۇر, دەيدى ول. ءوندىرىس ورىندارىن اشۋعا عانا قارجى ءبولى­نىپ, قىزمەت كورسەتۋ سالاسىنا كوڭىل بولىنبەيدى دەگەن وكپەسىن جەتكىزدى. وزبەكستاننان كوشىپ كەلگەن قاندا­سى­مىز كيىز ءۇيدى شىعارۋ ءوندىرىسىن جولعا قويۋعا كەپىلدىكسىز نەسيە سۇرادى. جەرگىلىكتى مەملەكەتتىك ورگان مەن بانكتەر اراسىندا سارسىلعان جاس جىگىت وسىلايشا كونگرەستە ءوز ماسەلەسىن جەتكىزدى. بۇل سۇراقتارعا جاۋاپ بەرگەن ەكونوميكالىق دامۋ جانە ساۋدا ۆيتسە-ءمينيسترى قىزمەت كورسەتۋ سالاسى بويىنشا نەسيە بەرىلۋى ءتيىس ەكەندىگىن, سونداي-اق كەپىلدىكسىز نەسيە الۋدا جەرگىلىكتى اتقارۋشى ورگاندار كومەك­تەسۋى كەرەكتىگىن العا تارتتى. “جەدەلدەتىلگەن يندۋستريا­لان­دى­رۋ ماسەلەسى” سەكتسياسىنا يندۋستريا جانە جاڭا تەحنولوگيالار ۆيتسە-مي­نيسترى بەرىك قاماليەۆ, “كەدەندىك وداق اياسىندا وتاندىق كاسىپكەرلەردىڭ بولاشاعى جانە سالىق زاڭناماسى ءما­سەلەلەرى” بويىنشا سەكتسيا جۇمىسىنا “اتامەكەن” وداعى” ۇەپ توراعاسى­نىڭ ءبىرىنشى ورىنباسارى ەكاتەرينا نيكيتينسكايا, قارجى مينيسترلىگى سا­لىق كوميتەتى توراعاسىنىڭ ورىنبا­سا­رى ارعىن قىپشاقوۆ, كەدەن كوميتەتى توراعاسىنىڭ ورىنباسارى يگور تەن قاتىستى. بارلىق سەكتسيالار بويىنشا تال­قىلانعان سۇراقتاردىڭ قورىتىندىسى ايتىلعان پلەنارلىق وتىرىستا “اتا­مەكەن” وداعى” ۇەپ باسقارما ءتورا­عاسى ازات پەرۋاشەۆ ۇكىمەت جانىن­دا­عى كاسىپكەرلىكتى قولداۋ جونىندەگى ۇيلەستىرۋ كەڭەسىنە ۇسىنىستار دايىن­دايتىندىقتارىن ايتتى. ۆەنەرا تۇگەلباي.