قىرعىزستان رەسپۋبليكاسى دەنساۋلىق ساقتاۋ ورگاندارىمەن 3 زارداپ شەككەن ادامدى تاسىمالداۋ بويىنشا ماسەلەلەر پىسىقتالىپ جاتىر, ونىڭ ىشىندە 2 تاسىمالداناتىن, 1 - اۋىر جاعدايدا, ءوجج اپپاراتىندا جاتىر.
ازەربايجان رەسپۋبليكاسىنان ەكى پاتسيەنتتى ەۆاكۋاتسيالاۋ ماسەلەسى بويىنشا دارىگەرلەرمەن كونسيليۋم وتكىزۋ, ولاردىڭ تاسىمالداۋ جاعدايىنداعى جاي-كۇيىنە باعا بەرۋ جوسپارلانىپ وتىر.
- اقتاۋ قالاسىنداعى اۋەجاي ماڭىندا جولاۋشىلار ۇشاعىنىڭ اپاتقا ۇشىراۋى سالدارىنان زارداپ شەككەن 29 ادامنىڭ 27-ءسى ماڭعىستاۋ وبلىستىق اۋرۋحاناسىنا جەتكىزىلدى.
پاتسيەنتتەر ءارتۇرلى جاراقاتتارمەن, نەگىزىنەن بىرنەشە زاقىمدارمەن كەلىپ ءتۇستى, بۇل ميدىڭ جابىق جاراقاتى, ميدىڭ شايقالۋى, كەۋدە قۋىسىنىڭ جابىق جاراقاتتارى, تراۆماتيكالىق شوك.
كەمە اپاتىنان كەيىن 10 مينۋتتىڭ ىشىندە زارداپ شەككەندەرگە مەديتسينالىق العاشقى كومەك كورسەتۋ ءۇشىن ماڭعىستاۋ وبلىسىنىڭ 22 جەدەل مەديتسينالىق جاردەم بريگاداسى مەن اپاتتار مەديتسيناسى ورتالىعىنىڭ 6 بريگاداسى وقيعا ورنىندا بولدى, - دەپ مالىمدەدى دەنساۋلىق ساقتاۋ مينيسترلىگىنەن.
زارداپ شەككەندەردى اقتاۋ قالاسىنىڭ ستاتسيونارلارىنا ۋاقتىلى ەمدەۋگە جاتقىزۋ, بىلىكتى ىرىكتەۋ جانە العاشقى سىن ساعاتتاردا تولىق ەمدەۋ-دياگنوستيكالىق كومەك كورسەتۋدىڭ ارقاسىندا 29 ادامنىڭ ءومىرىن ساقتاپ قالۋعا مۇمكىندىك تۋدى.
سونداي-اق قاراپايىم ادامدار, ءارتۇرلى وڭىرلەردەن كەلگەن وتانداستارىمىز بەي-جاي قاراماي, قيىندىققا بىردەن جاۋاپ بەردى.
ەكى كۇننىڭ ىشىندە رەسپۋبليكا بويىنشا قان ورتالىقتارىندا 1,5 مىڭنان استام ادام 800 ليتر قان تاپسىردى. اقتاۋدىڭ وزىندە دونورلىق پۋنكتتەرگە 490 ادام كەلدى, استانادا – 600 – دەن استام ادام, شىمكەنتتە – 125, اقتوبەدە – 109, جەتىسۋدا – 49, قاراعاندىدا-40, شقو-34 ادام قان تاپسىردى جانە باسقا وڭىرلەردە دە ادامدار بۇل اپاتقا بەي-جاي قاراعان جوق.
دەنساۋلىق ساقتاۋ مينيسترلىگى ءبىزدىڭ مەديتسينا قىزمەتكەرلەرىنە كومەكتەسكەن, قايعىلى ۇشاق اپاتىنان زارداپ شەككەندەرگە قان تاپسىرۋعا قاتىسقان بارلىق ازاماتقا العىسىن بىلدىرەدى.
