ونىڭ ۇرپاقتارى دا عىلىم مەن ونەردە ەلەۋلى جەتىستىككە جەتكەن تۇلعالار. قۇدايبەرگەن مەن راۋشان اپايدىڭ ۇلكەن قىزى – ءمۇسليما. ودان كەيىنگى پەرزەنتتەرىنەن اقىراپ قۇدايبەرگەن ۇلى – دارىندى سۋرەتشى, ەسەت قۇدايبەرگەن ۇلى (1927-2004) – لينگۆيست, فيلولوگيا عىلىمدارىنىڭ دوكتورى, پروفەسسور. قىزدارى – قىرمىزى جانە قىزعالداق. عالىمنىڭ كەنجەسى اسقار ماتەماتيكالىق لينگۆيستيكاعا زور ەڭبەك سىڭىرگەن.
قۇدايبەرگەن قۋان ۇلى 1899 جىلى 19 جەلتوقساندا تەمىر ۋەزىنىڭ تەمىر-ورقاش بولىسىنداعى قوسۋاقتام دەگەن جەرىندە دۇنيەگە كەلگەن. 1962 جىلى 90 جاسىندا دۇنيە سالعان اناسى تاڭىربەرگەنقىزى ءبيبىشىناردىڭ ايتۋىنشا, قۇدايبەرگەن جەلتوقسان ايىنىڭ ورتاسىندا تۋعان. اكەسى قۋان ورتا شارۋالى, مەدرەسەدە وقىعان, اراب جانە ورىس تىلدەرىنە جەتىك جان ەكەن. پاراساتتى اكە بالالارىنىڭ جاقسى ءبىلىم الۋىنا ءمان بەرگەن. قۇدايبەرگەن ورىنبورداعى «حۋساينيا» مەدرەسەسىن ءتامامداپ, 1928 جىلى لەنينگرادتاعى شىعىستانۋ ينستيتۋتىندا وقيدى.
1932-1937 جىلدارى قازاق كسر وقۋ-اعارتۋ حالىق كوميسسارياتىنىڭ عىلىمي-ادىستەمەلىك كەڭەسىنىڭ توراعاسى بولعان.
كەزدەسۋدە ۇلى عالىمنىڭ ۇرپاقتارى – نەمەرەسى ارداق ەسەتقىزى جۇبانوۆا, جيەنى دانا ءالي (قىزعالداق قۇدايبەرگەنقىزىنىڭ قىزى), اسقار قۇدايبەرگەن ۇلىنىڭ زايىبى ەلميرا جۇبانوۆا راۋشان اجەلەرىنىڭ ەستەلىكتەرىمەن ءبولىستى. مۇعالجار اۋدانىنداعى ق.جۇبانوۆ اتىنداعى ورتا مەكتەپتىڭ ديرەكتورى نۇربول يبراەۆ وسى اۋلەتپەن ارالاسقان اقساقالداردىڭ اڭگىمەلەرىن ورتاعا سالدى. تەمىر اۋدانىنىڭ ورقاش دەگەن جەرىندە قۋان قۇدىعىنىڭ ورنى ءالى كۇنگە دەيىن ساقتالعان.
اقتوبە وبلىسى
