فوتو: بقو اكىمىنىڭ ءباسپاسوز قىزمەتى
قالادا جىلىنا شامامەن 53 ملن جولاۋشى تاسىمالدانادى. قوعامدىق كولىك قىزمەتىن جاقسارتىپ, تۇرعىنداردىڭ جول جۇرۋىنە قولايلى جاعداي جاساۋ ماقساتىندا وتكەن جىلى قالالىق تاسىمالداۋشىلار 34 بىرلىك جاڭا اۆتوبۋس ساتىپ السا, بيىل تاعى 19 جاڭا اۆتوبۋس جەلىگە قوسىلدى.
وسىنىڭ ناتيجەسىندە ەسكىرگەن قوعامدىق كولىكتىڭ مولشەرى 32%-دان 22%-عا دەيىن قىسقاردى.
جاڭا قوعامدىق كولىكتەردە اۆتوبۋستاردىڭ ءجۇرۋ باعىتىن بىلۋگە ارنالعان GPS قۇرىلعى بار. سول ارقىلى جولاۋشى ءوز سمارتفونىنان قاجەتتى اۆتوبۋستىڭ قاي جەردە كەلە جاتقانىن «كورە» الادى. سونداي-اق بۇل اۆتوبۋستاردا ارباعا ارنالعان پاندۋس, LED-ەكران, دەزينفەكتسيا ءۇشىن ۋلتراكۇلگىن لامپا جانە بەينەباقىلاۋ قۇرىلعىسى ورناتىلعان.
الەۋمەتتىك ماڭىزى بار مارشرۋتتاردا تاسىمال شىعىنىن سۋبسيديالاۋدىڭ پايداسى كوپ. جىل سايىن قالالىق كاسىپورىندارعا بيۋدجەتتەن بولىنەتىن سۋبسيديا كولەمى ارتىپ كەلەدى. قازىر بارلىق مارشرۋتتا جولاقى تولەۋدىڭ ەلەكتروندى جۇيەسى ەنگىزىلدى. سونىڭ ارقاسىندا بيۋدجەتكە سالىق ءتۇسىمى ەسەلەپ ارتقان.
باتىس قازاقستان وبلىسى
