فوتو: ۆەدومستۆو
سۋ تاسقىنى كەزەڭىنە دايىندىق شەڭبەرىندە «قازسۋشار» مەكەمەسىنىڭ د.قوناەۆ اتىنداعى ۇلكەن الماتى كانالى فيليالى بارتوعاي سۋ قويماسىنان 30%, كۇرتى سۋ قويماسىنان 20% سۋ جىبەردى.
وسىلايشا, ەكى قويما كوكتەمدە سۋ تاسقىنىن قاۋىپسىز وتكىزۋ ءۇشىن شامامەن 420 ملن تەكشە مەتر سۋ قابىلداي الادى.
جينالعان تاسقىن سۋ سۋارۋ كەزەڭىندە شارۋالاردىڭ قاجەتتىلىكتەرىنە پايدالانىلادى.
ەستەرىڭىزگە سالايىق, بيىل فيليال 50 مىڭ گەكتاردان استام ەگىس القابىن 544 ملن تەكشە مەتردەن استام سۋمەن ۇزدىكسىز قامتاماسىز ەتتى.
«سۋ تاسقىنى كەزەڭىندە دايىندىق جالعاسىپ جاتىر, بۇگىندە سۋ قويمالارى جۇمىسىنىڭ كەستەسى ازىرلەندى. 2 سۋ قويماسى تەحنيكالىق تۇرعىدا كوپ فاكتورلى تەكسەرىستەن ءوتىپ, تاسقىن سۋىن قابىلداۋعا دايىن», دەدى «قازسۋشار» فيليالىنىڭ ديرەكتورى باقىت ابىشەۆ.
