فوتو: inbusiness.kz
جاڭا وزگەرىس بويىنشا اتا-انالار بالاسىنا بالاباقشانى ءوزى تاڭداي الادى جانە بالانىڭ ءبىلىم الۋىنا قاجەتتى قارجى مەملەكەتتەن تىكەلەي مەكتەپكە دەيىنگى ۇيىمعا ەمەس, بالا تاڭداعان مەكەمەگە بەرىلەدى. مۇنداي مەحانيزم جەكەدە جانە مەملەكەتتىك بالاباقشالار اراسىندا باسەكەلەستىك قالىپتاستىرۋعا باعىتتالعان.
«ويتكەنى ولاردىڭ باسشىلىعى مۇمكىندىگىنشە كوبىرەك بالا تارتۋ ءۇشىن ءبىلىم بەرۋ ساپاسىن ارتتىرۋعا جانە بىلىكتى تاربيەشىلەردى جۇمىسقا الۋعا ءماجبۇر بولادى. قازىرگى ۋاقىتتا بۇل مەحانيزم قازاقستاننىڭ ءتورت قالاسىندا – تارازدا, شىمكەنتتە, تۇركىستاندا جانە ورالدا پيلوتتىق رەجيمدە ەنگىزىلگەن. الداعى ۋاقىتتا ونى بۇكىل ەل بويىنشا ماسشتابتاۋ جوسپارلانىپ وتىر», دەلىنگەن ۇكىمەت حابارلاماسىندا.
مەكتەپكە دەيىنگى ۇيىمداردا بالاباقشاعا بارمايتىن بالالاردىڭ اتا-انالارى ءۇشىن 4,2 مىڭنان استام كونسۋلتاتسيالىق پۋنكت جۇمىس ىستەيدى. بۇل تارماق بالالاردى تاربيەلەۋ مەن دامىتۋعا ماڭىزدى كومەك كورسەتەدى, ولاردى وقىتۋ مەن مەكتەپكە دايىنداۋدىڭ تەڭ باستاپقى جاعدايلارىن قامتاماسىز ەتەدى.
وسى جىلى 328 مىڭنان استام اتا-انا مەن بالاعا ادىستەمەلىك جانە پەداگوگيكالىق قولداۋ كورسەتىلگەن.
