فوتو: kursiv.media
اۋىزسۋعا مۇقتاجدىق, اسىرەسە, جاز ايلارىندا ارتا تۇسەدى. ءوڭىر اكىمشىلىگى بۇل ماسەلەنى ءىرى مەكەمەلەر مەن بيزنەسكە بەرىلەتىن سۋ كولەمىن ازايتۋ ارقىلى شەشۋدى جوسپارلاپ وتىر.
وسى باعىتتا وبلىستاعى سۋ تاپشىلىعىن جويۋ ءۇشىن قۋاتى تاۋلىگىنە 147 500 تەكشە مەتر بولاتىن 10 سۋ تۇشىتۋ زاۋىتى مەن قوندىرعى سالىنىپ, 1 ماگيسترالدىق سۋ قۇبىرى قايتا جاڭارتىلىپ جاتىر.
سونىڭ ءبىرى - قاراقيا اۋدانىنداعى قۇرىق اۋىلىندا قۋاتتىلىعى 5000 م³/تاۋلىگىنە اۋىز سۋ وندىرەتىن زاۋىتتىڭ قۇرىلىسى.
وبلىس پروكۋراتۋراسىنىڭ قاداعالاۋشىلىق ءۇن قاتۋ اكتىسىنىڭ نەگىزىندە اكىمدىك زاۋىتتى سالۋ ءۇشىن ينۆەستور «الەكا» جشس-نە 5 گەكتار جەر ۋچاسكەسىن بەرگەن.
جوبا اياسىندا 20 ۇڭعىما بۇرعىلانىپ, سۋدىڭ تۇزدىلىعىن تەكسەرۋ بويىنشا جۇمىستار جۇرگىزىلىپ, توق تارتۋ جۇمىستارى جالعاسىپ جاتىر.
قۇرىق اۋىلدىق اكىمدىگىنىڭ مالىمەتىنشە, 2-ءشى جەلى بويىنشا جەرگە توق ورنالاستىرۋ جوباسى جاسالىپ, بۇرىن شىققان جوبالارعا وزگەرىستەر ەنگىزىلگەن. 3-ءشى جەلى بويىنشا توق جۇرگىزۋ جوباسىن قازىر «قازترانسگازايماق» قاراستىرىپ جاتىر. ال ترانسفورماتورلار جەرگە ورنالاستىرۋ جوباسىنا جىبەرىلەتىن جوسپارعا ەنگىزىلگەن. ازىرگە زاۋىتتىڭ قۇرىلىس نىسانىنا ەلەكتر جەلىسىن جۇرگىزۋ جانە پايدالانۋ ءۇشىن جەرگە ورنالاستىرۋ جوباسى ءازىر.
باستاپقى كەزەڭدەگى زاۋىت قۇرىلىسىن وسى جىلدىڭ سوڭىندا اياقتاۋ جوسپارى 2025 جىلعا شەگەرىلگەن.
