قوستاناي. 1 مامىر. «اگروماشحولدينگ» زاۋىتىنىڭ ءوندىرىس الاڭىندا 20 000-شى ماشينا قۇراستىرىلدى. مەرەيلى اۆتوموبيل SsangYong Nomad بولدى. بۇل تۋرالى egemen.kz ءتىلشىسى حابارلادى.
بەس جىل ىشىندە AllurGroup اۆتوموبيل كومپانياسىنىڭ توبىنا كىرەتىن ەكى ءوندىرىس الاڭىنان 20 000 ماشينا شىعارىلسا, ونىڭ 14 542-ءى «اگروماشحولدينگ» زاۋىتىندا قۇراستىرىلدى, قالعانى «سارىاركااۆتوپروم» زاۋىتىنىڭ كونۆەيەرىنە تيەسىلى. قوستانايدا العاش 2010 جىلى وڭتۇستىك كورەيالىق برەند SsangYong ماركاسىنىڭ 77 ماشيناسى شىعارىلدى. كەلەسى جىلى زاۋىتتاعى كورسەتكىش بىردەن 10 ەسە كوبەيدى. 2012 جىلى ەكىنشى ءوندىرىس الاڭىندا ZAZ, ۋاز جانە Iveco سەكىلدى الەمدىك برەندتتەر قولعا الىندى. ال 2013 جىلى «سارىاركا اۆتو پروم» زاۋىتىنىڭ ءوندىرىس الاڭىندا قازاقستاندا ءبىرىنشى رەت ۇساقتۇيىندى ءوندىرىس جەلىسى ىسكە قوسىلدى. قازىر بۇل جەلىدە SsangYong Nomad جانە Toyota Fortuner الەمدىك برەند كولىكتەر قۇراستىرىلادى. بيىل ەكى زاۋىتتاعى برەندتەر قاتارى Peugeot كولىگىنىڭ ءتورت مودەلىمەن تولىقتىرىلدى. قازىر AllurGroup توبى قاتارىنا كىرەتىن ءوندىرىس الاڭدارىنداعى وندىرىلگەن ءونىمنىڭ قازاقستاندىق مازمۇنى 30 پايىزدى قۇرايدى.
«سارىاركااۆتوپروم» زاۋىتىنىڭ ءوندىرىس الاڭىندا اۋىر كوممەرتسيالىق Iveco تەحنيكاسى توتەنشە جاعدايدا پايدالاناتىن, دەنساۋلىق سالاسىنا يكەمدەلگەن جانە بەنزوۆوز سەكىلدى ارنايى مامانداندىرىلعان قۇرامدا دايىندالادى.
ءنازيرا جارىمبەتوۆا.
دەرەك, سۋرەت: egemen.kz
