تارازدا بالالاردى الىپ كەلە جاتقان ينسپەكتور قازا تاپتى

استانا. 1 مامىر. تارازدا بالالاردىڭ قاتىسۋىمەن ءىرى جول-كولىك وقيعاسى بولدى. ونىڭ سالدارىنان 27 جاستاعى پوليتسيا ينسپەكتورى قازا تاپتى. بۇل تۋرالى Gazeta.kz  حابارلادى. باسىلىم قاپيادا مەرت بولعان ينسپەكتوردىڭ ارتىندا ايەلى مەن بالاسى قالعانىن جازىپ وتىر. قايعىلى وقيعا ءتۇننىڭ جارىمىندا, جولدىڭ كولىكتەر قاپتاعان بويىندا ورىن العان. بالالار وتىرعان اۆتوبۋستار تىزبەگىن باستاپ الىپ كەلە جاتقان ماشينا ازەر توقتاپ ۇلگەرەدى. سول كەزدە وعان كەزدەيسوق كەلە قالعان «بمۆ» ءاۆتوموبيلى قاتتى ەكپىنمەن كەلىپ سوعادى. ال پوليتسەيدىڭ سوڭىنان ەرىپ كەلە جاتقان ءۇش اۆتوبۋستا تالدىقورعاننان تارازعا كەلە جاتقان كوگالداعى حوككەي كومانداسىنىڭ بالالارى وتىر ەكەن. كولىكتەر ساعات تۇنگى 12 شاماسىندا قالاعا كىرىپ كەلە جاتادى. ءدال سول كەزدە جول-كولىك وقيعاسى دا ورىن الادى. پوليتسيا ازىرگە بولعان وقيعانىڭ بۇگە-شىگەسىن جاريالاپ وتىرعان جوق. وقيعا ورنىندا 27 جاستاعى پوليتسيا ينسپەكتورى بىردەن ءتىل تارتپاي كەتكەن. تاعى ءبىر پوليتسيا قىزمەتكەرى مەن «بمۆ» جولاۋشىسى جاراقات الىپ قالعان. كورگەندەردىڭ ايتۋلارىنشا, شەتەلدىك كولىكتىڭ جۇرگىزۋشىسى ءتىپتى توقتاۋعا دا ارەكەت جاساماعان. قازىر وسى قايعىلى وقيعاعا سەبەپ بولعان جۇرگىزۋشى قاماۋعا الىنىپ, تەرگەۋ امالدارى ءجۇرىپ جاتىر. «بمۆ» كولىگىنىڭ جۇرگىزۋشىسى جىل باسىنان بەرى جولدا ءجۇرۋ ەرەجەسىن بۇزعانى ءۇشىن ەكى رەت اكىمگەرشىلىك جاۋاپقا تارتىلعان», - دەدى جامبىل وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلسارا مۇحتارقۇلوۆا. قۇرىش نۇرىمبەت. دەرەك, سۋرەت: Gazeta.kz.