فوتو: www.dha.com.tr
وقيعا تۋرالى پروۆينتسيا گۋبەرناتورى يسمايل ۋستاوعلى حابارلاپ, زاۋىتتا بارلىعى 630-عا جۋىق ادام جۇمىس ىستەيتىنىن مالىمدەگەن.
جارىلىستىڭ سەبەبى انىقتاۋ ماقساتىندا تەرگەۋ ءجۇرىپ جاتىر. جەرگىلىكتى بيلىك كۇشتى جارىلىسقا سەبەپ بولعان جاعدايلار مەن فاكتورلاردى انىقتاۋ ءۇشىن جاقىن ارادا ساراپتاما جۇرگىزىلەتىنىن حابارلادى.
«جارىلىستىڭ سەبەپتەرىن تەرگەۋ باستاپقى ساتىدا جانە تەرروريستىك اكت نەمەسە وقيعانىڭ باسقا سەبەپتەرى تۋرالى بولجاۋ ءالى ەرتە.ء بىز قازا بولعان ادامداردىڭ تۋىستارىنا شىن جۇرەكتەن كوڭىل ايتامىز جانە زارداپ شەككەندەردىڭ تەزىرەك ساۋىعىپ كەتۋىن تىلەيمىز», دەدى گۋبەرناتور.
سونىمەن بىرگە بۇل وقيعا قوعامدا جارىلعىش زاتتاردى وندىرۋمەن بايلانىستى كاسىپورىندارداعى قاۋىپسىزدىك شارالارىنا قاتىستى پىكىرتالاس تۋدىرعان. جەرگىلىكتى تۇرعىندار دا زاۋىتتىڭ ەلدى مەكەندەرگە جاقىن جەردە ورنالاسقانىن, اۋىر زارداپتارعا اكەپ سوقتىرۋى مۇمكىن ەكەنىن ايتىپ, الاڭداۋشىلىقتارىن بىلدىرگەن.
