قىسقى ماۋسىمدا وتباسىلىق دەمالىسقا تاپتىرمايتىن ورىن «زەلەنىي كۆارتال» تۇرعىن ءۇي كەشەنى اۋدانىندا ورنالاسقان. جاڭا قوعامدىق كەڭىستىكتە تۇرعىندار مۇز ايدىنى, سىرعاناقتان بولەك, باسقا دا قىسقى ويىن-ساۋىق تۇرلەرىن قىزىقتاي الادى.
«BI Group» كومپانياسى مەن نۇرا اۋدانىنىڭ اكىمدىگى «بۋحارەست» ساياباعىن رەسمي تۇردە اشتى. بۇل – اۋداندا ورنالاسقان العاشقى قىسقى قالاشىق. مۇندا مۇز ايدىنى, سىرعاناقتار, كوزدىڭ جاۋىن الار جەتى مەترلىك شىرشا بار. ساياباقتىڭ ءوزى جاڭاجىلدىق ۇلگىدە بەزەندىرىلگەن. ءبىز ەلوردا تۇرعىندارى مەن قوناقتارىن قوعامدىق كەڭىستىككە كەلىپ, دەمالىس كۇندەرىن كوڭىلدى وتكىزۋگە شاقىرامىز», دەيدى «BI Group» وكىلى, جوبا جەتەكشىسى باۋىرجان سالىقوۆ.
ۇيىمداستىرۋشىلار سەرۋەندەپ كەلگەن جۇرتقا جاڭاجىلدىق كوڭىل كۇي سىيلاۋعا ەرەكشە كوڭىل بولگەن ەكەن. قوناقتاردى ەرتەگى كەيىپكەرلەرى – گرينچ, گرين سانتا, اقشاقار, ەلفتەر مەن قوياندار قارسى الدى. بالالارعا ەرەكشە ويىن-ساۋىق باعدارلاماسى ۇسىنىلدى. ارتىستەر بي بيلەپ, تەاترلاندىرىلعان قويىلىم قويدى.
ء«بىز نۇرا اۋدانىنىڭ تۇرعىندارى رەتىندە مۇز ايدىنى, سىرعاناق, مەرەكەلىك شىرشاسى بار جاڭا قوعامدىق كەڭىستىكتىڭ اشىلعانىنا قۋانىپ وتىرمىز. قىسقى ويىن-ساۋىق اسىرەسە بالالارىمىزعا ەرەكشە اسەر سىيلايدى. قازىر جۇرت تازا اۋادا سەرۋەندەگەندى جاقسى كورەدى. وسى ىسكە ەرەكشە كوڭىل بولگەن اۋدان اكىمدىگىنە العىسىم شەكسىز. ەندى سەرۋەندەۋ ءۇشىن الىسقا بارۋدىڭ قاجەتى جوق, جاڭا قوعامدىق كەڭىستىك ۇيىمىزدەن بەس مينۋت جەردە ورنالاسقان», – دەيدى ايدانا ەسىمدى اۋدان تۇرعىنى.
مەرەكە كۇندەرى استانالىقتار, نۇرا اۋدانىنىڭ تۇرعىندارى وتباسىمەن, دوستارىمەن بوس ۋاقىتىن كوڭىلدى وتكىزە الادى. بيىل استانادا وسىنداي 170 اۋلا مەن قوعامدىق كەڭىستىك اباتتاندىرىلدى. مۇنداي قوعامدىق كەڭىستىكتەر قالانىڭ بارلىق اۋدانىندا اشىلادى.
