قوعامدىق ءتارتىپتىڭ ساقتالۋىنا ۇلەس قوسىپ جۇرگەن ارۋ سپورتتىڭ بىرنەشە تۇرىمەن اينالىسادى. بيىل قىركۇيەكتە قويان-قولتىق ۇرىستان بىشكەكتە وتكەن ازيا چەمپيوناتىندا قارسىلاستارىنىڭ ءبارىن قاپى قالدىرىپ, ءبىرىنشى جۇلدەنى ولجالادى. الەم كۋبوگىن ەكى رەت يەلەنگەن.
وتكەن اپتادا يندونەزيانىڭ استاناسى – دجاكارتادا ەرەسەكتەر اراسىنداعى «Gamma World MMA Championship – 2024» الەم چەمپيوناتىندا باق سىنادى. ءدۇبىرلى دوداعا الەمنىڭ 66 ەلىنەن 920 سپورتشى قاتىستى. كىل مىقتىلاردىڭ سايىسىندا اتىراۋلىق پوليتسەي 72,6 كگ سالماقتا ەل نامىسىن قورعادى. الدىمەن كامبودجا, اۋستراليا ەلىنىڭ سپورتشىلارىمەن كۇش سىناسىپ, شەبەرلىگى مەن فيزيكالىق دايىندىعىنىڭ جوعارى ەكەنىن دالەلدەدى. فينالدا مىسىر ەلىنىڭ سپورتشىسىن ايقىن باسىمدىقپەن ۇتتى.
ء«بىزدىڭ قىزمەت جاۋاپكەرشىلىكتى, تاباندىلىقتى تالاپ ەتەدى. مىندەتىمىزدى ادال اتقارۋمەن بىرگە سپورتتىق شەبەرلىگىمىزدى شىڭداۋعا دا ۋاقىت تابامىز. جۇمىستا, سپورتتا جەتىستىككە جەتۋىمە ارىپتەستەرىم مەن جاتتىقتىرۋشىلارىم, وتباسىم قولداۋ كورسەتتى. الداعى ۋاقىتتا دا ەلىمىزدىڭ ابىرويىن اسقاقتاتۋعا كۇش-جىگەرىمدى سالا بەرەمىن», دەيدى ا.حايرۋللينا.
اتىراۋ وبلىسى
