وبلىستىڭ بارلىق اۋدان, قالاسىنان جينالعان دەلەگاتتار نەگىزىنەن ۇرپاق تاربيەسى, كاسىپكەرلىكتى دامىتۋ تۋرالى پىكىر الماستى. بەسىك پەن الەمدى قاتار تەربەتەتىن نازىك جۇرەك يەلەرى اراسىندا ءوز ءىسىنىڭ مايتالماندارى جەتەرلىك. ولار قوعام ءومىرىنىڭ بارلىق سالاسىندا ەسەلى ەڭبەك ەتىپ ءجۇر. شاعىن جانە ورتا بيزنەس سالاسىندا قىز-كەلىنشەكتەردىڭ قاتارى جىل ساناپ ءوسىپ كەلە جاتىر. فورۋمدا نەگىزىنەن ايەلدەر كاسىپكەرلىگىن قولداۋعا باعىتتالعان ناقتى جوبالار مەن باستامالاردىڭ ورتاعا سالىنۋى دا سوندىقتان. وسى سالادا جاقسى جەتىستىكتەرگە جەتكەن قىز-كەلىنشەكتەر پارتيانىڭ العىس حاتىمەن ماراپاتتالدى.
فورۋم اياسىندا ۇلتتىق سالت-ءداستۇر دارىپتەلىپ, قايىرىمدىلىق, مەيىرىمدىلىك شارالارى دا وتكىزىلدى. «اۋىل» پارتياسىنىڭ بەلسەندى مۇشەسى ەردەن ساتىبالدين «حارەكەت» قورىنىڭ اتىنان كوپبالالى مۇقتاج وتباسىنا پاتەر كىلتىن تابىستادى.
« ۇلىتاۋ وبلىسىنىڭ ايەلدەر فورۋمى مانىمەن دە, سانىمەن دە زور اسەرگە بولەدى. جيىن جۇمىسىن جوعارى دەڭگەيدە ۇيىمداستىرا بىلگەن ۇلىتاۋ وبلىستىق ءماسليحاتىنىڭ دەپۋتاتى, وبلىستىق «مەيىرىم قۇشاعى» كوميسسياسىنىڭ توراعاسى ءاليا اياپبەرگەنوۆانىڭ ەڭبەگىن ەرەكشە اتاپ وتكىم كەلەدى. ءبىز مۇنداي باستامالاردى ارقاشان قولدايمىز», دەدى ۇلىتاۋ وبلىسى اكىمىنىڭ ورىنباسارى زينا جۇمانازارقىزى اقىلبەكوۆا.
جەزقازعان قالاسى
