فوتو:depositphotos.com
تجم مالىمەتىنشە, جەتىسۋ وبلىسى پانفيلوۆ اۋدانى سارىبەل اۋىلىنىڭ شەتىنە شىققان 1980 جىلى تۋعان شوپان جوعالىپ كەتكەن, تۋىستارى قۇتقارۋشىلاردان كومەك سۇراعان.
«ىزدەۋ توبى جوعالعان ازاماتتى سارىبەل اۋىلىنان 5 شاقىرىم جەردە تاپتى», دەلىنگەن حابارلامادا.
جەدەل جاردەم قىزمەتكەرلەرىنە تاپسىرىلعان شوپاننىڭ جاعدايى تۇراقتى ەكەنى حابارلاندى.
سونىمەن قاتار, اقتوبە وبلىسىنىڭ تەمىر اۋدانىنا قاراستى كەڭقياق اۋىلىنان ەكى شوپاننىڭ مال ىزدەۋگە شىعىپ, ورالماعانى تۋرالى حابار 112 پۋلتىنە تۇسكەن.
تجم ءباسپاسوز قىزمەتى حابارلاماسىندا:
«ىزدەۋ توبى ازاماتتاردى شۇبارقۇدىق اۋىلىنان 35 شاقىرىم جەردەگى دالادا تاپتى. ولار مەديتسينالىق كومەككە مۇقتاج بولمادى», دەلىنگەن.
