فوتو: استانا قالاسى اكىمدىگى
اكىمنىڭ ايتۋىنشا, تاۋەلسىزدىك سارايىنىڭ الدىنداعى «قازاق ەلى» الاڭىندا جالپى اۋدانى 13 گا اۋماقتا كەشەندى اباتتاندىرۋ جۇرگىزىلگەن. جۇرگەنوۆ كوشەسىندە جاسىل بۋلۆار اشىلىپ, كوشە شاعىن اۋداننىڭ نەگىزگى كوشەلەرىنىڭ بىرىنە اينالعان. سونداي-اق الماتى اۋدانىندا اقبۇلاق وزەنىنىڭ جاعالاۋى اباتتاندىرىلعان. وتكەن جىلى ش.قۇدايبەردى ۇلى داڭعىلىنان ابىلاي حان داڭعىلىنا دەيىن جۇمىس جۇرگىزىلسە, بيىل ابىلاي حان داڭعىلىنان اممان كوشەسىنە دەيىن جۇمىس جالعاسقان.
«جاستار» ساياباعى ايتارلىقتاي وزگەردى. مۇندا مىنانداي وزگەرىستەر بولدى: سورعى جولى, كونكي پاركى, جاڭا ويىن الاڭى سالىندى. سونىمەن قاتار, ساياباق اۋماعىندا «سانا» زاماناۋي سپورت كەشەنى جۇمىس ىستەيدى, وندا بەلسەندى ءومىر سالتى ءۇشىن بارلىق قاجەتتى جاعداي جاسالعان. بيىل قالانىڭ ۆوكزال ماڭى مەن وعان ىرگەلەس ءبىرجان سال جانە گەتە كوشەلەرى اباتتاندىرىلدى. ۆوكزال ماڭىنداعى كوشەلەردىڭ جالپى ۇزىندىعى 1,5 كم قۇرادى. قالانىڭ تاريحي كوشەلەرىن قايتا جاڭارتۋ جوباسى اياسىندا جالپى اباتتاندىرۋ الاڭى 17 مىڭ شارشى مەتردەن استى, - دەدى جەڭىس قاسىمبەك.
سونىمەن قاتار ۇلىتاۋ اللەياسى, ماڭگىلىك ەل داڭعىلى, تاۋەلسىزدىك, تۇران داڭعىلدارى, مىڭجىلدىق اللەياسىنىڭ بولىگى, كەرۋەن جانە حان شاتىر سوو جانىنداعى گۇلزارلار, اگروقالاشىق ەلدى مەكەنى, جەڭىس داڭعىلى, جاعالاۋ شاعىن اۋدانى, ءۋاليحانوۆ كوشەسى اباتتاندىرىلىپ, كوگالداندىرىلعان.
