اتاپ ايتقاندا, KAZENERGY قاۋىمداستىعى مەن قازاقستاننىڭ مۇنايشى-گەولوگتار قوعامى قب اراسىنداعى ارىپتەستىك تۋرالى كەلىسىمگە جانە اتالعان قوعام مەن «ەنەرگيا» تالداۋ ورتالىعى (KAZENERGY ەنشىلەس كومپانياسى) اراسىنداعى ىنتىماقتاستىق تۋرالى مەموراندۋمعا قول قويىلدى.
KAZENERGY قاۋىمداستىعىنىڭ باس ديرەكتورى جاندوس نۇرماعانبەتوۆتىڭ ايتۋىنشا, قازاقستاننىڭ مۇنايشى-گەولوگتار قوعامىمەن كوپجىلدىق ىنتىماقتاستىق – فورۋمدار, كونفەرەنتسيالار, بىرلەسكەن جوبالار سياقتى باعىتتاردى قامتيدى. بۇل ءوزارا ءىس-قيمىلدىڭ ماڭىزدى كەزەڭدەرىنىڭ ءبىرى – 2010 جىلى قازاقستاننىڭ مۇناي-گاز جانە گەولوگيالىق سالالارىن دامىتۋعا باعىتتالعان ارىپتەستىك تۋرالى شارتقا قول قويۋ بولدى. جاڭا كەلىسىم جاڭا پەرسپەكتيۆالار اشاتىن جانە ءوزارا ارەكەتتەسۋ مۇمكىندىكتەرىن كەڭەيتەتىن زاماناۋي تەندەنتسيالاردى, يننوۆاتسيالاردى, عىلىمي ازىرلەمەلەردى ەسكەرەدى.
كوپجىلدىق ەڭبەكتىڭ ناتيجەسى ىسپەتتى «قازاقستان مۇناي جانە گاز كەن ورىندارىنىڭ العاش اشۋشىلارى» اتتى كىتاپتى KAZENERGY قاۋىمداستىعىنا سىيعا تارتقان قازاقستاننىڭ مۇنايشى-گەولوگتار قوعامىنىڭ پرەزيدەنتى بالتابەك قۋاندىقوۆ ارىپتەستىك قاتىناستاردى نىعايتۋدىڭ ماڭىزدىلىعىن اتاپ ءوتتى. ايتۋىنشا, قاشاعان كەن ورنىنىڭ اشىلۋىنا ورايلاستىرىلعان بىرلەسكەن عىلىمي-پراكتيكالىق كونفەرەنتسيا ىنتىماقتاستىقتىڭ ماڭىزدى كەزەڭى بولماق. 2025 جىلى وتەتىنى جوسپارعا الىنعان اتالعان ءىس-شارا – مۇناي-گەولوگيا سالاسى ماماندارى اراسىندا ۇسىنىستار مەن ۇزدىك تاجىريبەلەردى الماسۋعا جانە سەكتوردىڭ ودان ءارى دامۋىنا ىقپال ەتۋگە ارنالعان.
قول قويىلعان قۇجاتتار – تاراپتاردىڭ سەرىكتەستىكتى نىعايتۋ, يننوۆاتسيالاردى دامىتۋ, قازاقستاننىڭ مۇناي-گاز جانە گەولوگيالىق سالالارىندا قۇزىرەتتىلىك دەڭگەيىن ارتتىرۋ تۇرعىسىنداعى ۇمتىلىستارىن كورسەتەدى. كەلىسىمدەر مۇناي-گاز سالاسىن ورنىقتى دامىتۋ, اقپاراتتىق-تالدامالىق زەرتتەۋلەر جۇرگىزۋ, ستاتيستيكالىق جانە تالدامالىق ماتەريالدار دايىنداۋ سياقتى سالالارداعى ىنتىماقتاستىقتى كەڭەيتۋگە باعىتتالعان. سونىمەن قاتار ولار ۇلتتىق جانە حالىقارالىق كاسىبي ارەنادا تاراپتاردىڭ وڭ ءيميدجىن قالىپتاستىرۋعا ىقپال ەتەتىن بولادى.
