فوتو: استانا اكىمدىگى
«استانا جاستارى» جاستار رەسۋرستىق ورتالىعىنىڭ ەرىكتىلەرى قوعامدىق كولىك كۇتىپ تۇرعان جولاۋشىلارعا, كوشەدەگى ساۋدا شاتىرلارىندا ساۋدا جاسايتىن تۇرعىندارعا جانە اۆتوبۋس جۇرگىزۋشىلەرىنە باۋىرساق پەن ىستىق شاي ۇلەستىرىپ, العىسىنا بولەندى.
ۇيىمداستىرۋشىلاردىڭ پىكىرىنشە, سۋىق كۇندە باۋىرساق پەن ىستىق شاي تاراتۋدىڭ ءوزى ادامداردىڭ ءبىر-بىرىنە دەگەن سۇيىسپەنشىلىگىن ارتتىرادى.
«قازىرگىدەي سۋىق كۇندە ەلوردامىزدا ۆولونتەرلەردىڭ ۇيىمداستىرۋىمەن ءوتىپ جاتقان بۇل ءىس-شارا تۇرعىندار مەن قوناقتار ءۇشىن ناعىز جىلۋلىق كوزىنە اينالدى. ىستىق شاي مەن جىلى لەبىزدەر ادامداردىڭ جۇرەگىن جىلىتىپ, كوڭىل كۇيىن كوتەردى. بۇل ءىس-شارا قارىم-قاتىناس پەن ءوزارا كومەك كورسەتۋگە ۇندەيدى, سونداي-اق قوعامدا بىرلىك پەن دوستىقتى نىعايتۋعا قىزمەت ەتەدى. اكتسياعا قاتىسقان ءار ادام ءوزارا مەيىرىم مەن قامقورلىقتىڭ اتموسفەراسىن سەزىنە الادى», دەدى «استانا جاستارى» ۆولونتەرى مەرەي قالەل.
ايتا كەتۋ كەرەك, مۇنداي اكتسيا قىس مەزگىلىنىڭ سوڭىنا دەيىن وتەدى.
