فوتو: اشىق دەرەككوز
بيىل ەلىمىزدىڭ يندەكسى 135,8 بولدى. ءبىر جىل بۇرىن قازاقستان 136,7 يندەكسىمەن الەمدەگى 85 ەلدىڭ ىشىندە 44-ورىندا بولعان.
مامانداردىڭ ايتۋىنشا, 2024 جىلدىڭ ءبىرىنشى جارتىجىلدىعىندا ءاربىر ەل ازاماتى ءبىر جاقتى ساپارعا 35,6 مينۋت جۇمساسا, سو2 شىعارىندىلارى شامامەن 2 كگ قۇراعان. ەلدىڭ كولىك جۇيەسىنىڭ تيىمسىزدىگى يندەكسى 144,2 بالل دەڭگەيىندە باعالانعان.
جول قوزعالىسى يندەكسىندە نيگەريا, كوستا-ريكا جانە بانگلادەش ەڭ ناشار ەلدەر بولسا, ەستونيا, اۆستريا جانە فينليانديا ۇزدىك دەپ تانىلعان. تمد ەلدەرىنىڭ ىشىندە رەسەي, ازەربايجان جانە ۋكراينا قازاقستان رەسپۋبليكاسىنان جوعارى, ال بەلارۋس پەن ارمەنيا تومەندە ورنالاسقان.
ايتا كەتەيىك, ەسەپ بويىنشا وڭتۇستىك استانانىڭ كولىك قوزعالىسى يندەكسى 156,7 قۇراعان. 2024 جىلدىڭ ءبىرىنشى جارتىجىلدىعىندا الماتىدا ورتاشا ەسەپپەن ادامدار ءبىر باعىتقا 39,7 مينۋت جول ءجۇرىپ, وسى ۋاقىت ىشىندە 2,1 كگ سو2 شىعارىلعان. تيىمسىزدىك يندەكسى 176,6 باللدى قۇرادى. سالىستىرمالى تۇردە 200 قالانىڭ ىشىندە الماتى 85-ءشى ورىندا بولعان.
