فوتو: gov.kz
ەندى جاڭا زاڭ اياسىندا ەسىرتكى بيزنەسىن ۇيىمداستىرۋشىلار مەن كۋرەرلەر فۋنكتسيالارىن ورىندايتىن ادامدار ءۇشىن جازا سارالانادى. ۇيىمداستىرۋشىلارمەن كۇرەس كۇشەيتىلىپ, باس بوستاندىعىنان ايىرۋ مەرزىمىن ءومىر بويىنا دەيىن ۇزارتۋ جازاسى قاراستىرىلادى.
سونداي-اق قىزمەت بابىن پايدالانىپ قىلمىس جاساعان لاۋازىمدى ادامدار ءۇشىن, سول سياقتى, ەسىرتكى, پسيحوتروپتىق زاتتاردى, سول تەكتەستەردى زاڭسىز وندىرگەنى ءۇشىن ون بەس جىلدان جيىرما جىلعا دەيىنگى مەرزىمگە باس بوستاندىعىنان ايىرۋ نە ءومىر بويىنا باس بوستاندىعىنان ايىرۋ تۇرىندەگى جازا بەلگىلەي وتىرىپ, نەعۇرلىم قاتاڭ قىلمىستىق جاۋاپتىلىق شارالارىن ەنگىزۋ ۇسىنىلادى. بۇل ەسىرتكىنىڭ اينالىمىنا بايلانىستى قىزمەت بابىن تەرىس پايدالانۋعا قارسى تەجەۋشى فاكتور بولماق.
«زاڭ نورمالارىنا سايكەس قىلمىستىق كودەكستە ەسىرتكى وندىرىسىمەن اينالىساتىنداردىڭ جانە ولاردى تاراتۋشىلاردىڭ اراجىگى اجىراتىلىپ, جاۋاپكەرشىلىكتەرى قايتا قارالدى. دەنساۋلىق ساقتاۋ سالاسىنداعى زاڭناماعا «كۇشتى اسەر ەتەتىن زاتتار» جاڭا ۇعىمى ەنگىزىلىپ, ولاردىڭ اينالىمى رەتتەلەتىن بولدى. ماقۇلدانعان زاڭ الداعى ۋاقىتتا ازاماتتارىمىزدىڭ قۇقىقتارىنىڭ قورعالۋىن ارتتىرۋعا جانە ەسىرتكى قىلمىسىمەن كۇرەستىڭ تيىمدىلىگىن كۇشەيتۋگە وڭ اسەرىن تيگىزەدى دەپ سەنەمىز», دەدى سەنات سپيكەرى.
