فوتو Kazakhmys.kz
«وسى جىلدىڭ 17-18 جەلتوقسانىندا «جەزقازعانتۇستىمەت» ءوب بىرنەشە شاحتاسىنىڭ جۇمىسكەرلەرى جالاقىنى كوتەرۋ تالابىمەن جۇمىستى توقتاتتى. جۇمىسكەرلەردىڭ بۇل ارەكەتتەرى ەڭبەك زاڭناماسىندا كوزدەلگەندەي تالاپتاردى ۇسىنۋ ءتارتىبىن جانە ولاردى جۇمىس بەرۋشىنىڭ قاراۋ رەتىن بۇزا وتىرىپ جۇرگىزىلدى», دەلىنگەن مينيسترلىك حابارلاماسىندا.
قر ەڭبەك كودەكسىنە سايكەس قولدانىستاعى ءتارتىپ: وسى تالاپتاردى جۇمىس بەرۋشىگە رەسمي جولداۋدى, ولاردى جۇمىس بەرۋشىمەن قارالۋىن, ال ونى شەشۋ مۇمكىن بولماعان جاعدايدا تاتۋلاستىرۋ كوميسسياسىندا قاراستىرۋدى كوزدەيدى.
قالىپتاسقان جاعدايدى رەتتەۋ ماقساتىندا ەڭبەكمينى تاراپتاردى تاتۋلاستىرۋ كوميسسياسى شەڭبەرىندە جانە تەك قۇقىق اياسىندا تاتۋلاستىرۋ راسىمدەرىن جۇرگىزۋگە جانە جۇمىسقا قايتا كىرىسۋگە شاقىردى.
2024 جىلعى 18 جەلتوقساندا «قازاقمىس كورپوراتسياسى» جشس باسقارما توراعاسى نۇراحمەت نۋريەۆ جەزقازعان وندىرىستىك الاڭىنداعى كەنىشتەردىڭ بريگاديرلەرىمەن كەزدەستى.
جيىنعا سونىمەن قاتار جەزقازعان قالاسىنىڭ اكىمى قايرات شايجانوۆ, ساتباەۆ قالاسىنىڭ اكىمى مۇرات بورىباەۆ قاتىستى.
كەزدەسۋدە جۇمىسكەرلەردىڭ تالابى تالقىلاندى. جيىن قورىتىندىسىندا «13-ءشى جالاقىعا» 30 پايىز مولشەرىندە ۇستەمەاقى قوسۋ تۋرالى تالاپتى قاناعاتتاندىرۋ تۋرالى شەشىم قابىلداندى.
«جالاقىعا كەلەتىن بولساق, جۇمىس بەرۋشى 2025 جىلدىڭ 1 قاڭتارىنان باستاپ جالاقىنى كوتەرۋدىڭ ەكى نۇسقاسىن ۇسىندى:
ءبىرىنشى نۇسقاسى جالاقى مولشەرىن قوسىمشا 8,5%-عا ۇلعايتۋ, وندىرىستىك جوسپاردى ورىنداعانى ۇشىن قوسىمشا 50 اەك مولشەرىندە تورت توقساندىق سىيلىقاقى (2025 جىلى – توقسان سايىن 196 مىڭ تەڭگە) تولەۋ. ەكىنشى نۇسقاسى جالاقىنى 15,6%-عا يندەكستەۋ.
كەلىسسوز بارىسىندا ن.نۋريەۆ جالاقىنىڭ كۇرت ارى نەگىزسىز ۇلعايۋى تۇپتىڭ تۇبىندە كومپانيانىڭ بىرقاتار كەنىشتەرىنىڭ باسەكەگە قابىلەتتىلىگىن جويىپ, كونسەرۆاتسيالانۋىنا اكەلەتىنىن, سالدارىنان جۇمىس ورىندارىنىڭ جابىلۋىنا اكەلىپ سوقتىراتىنىن اتاپ ءوتتى. سونداي-اق ۇسىنىستاردى ءتۇسىندىرۋ ءۇشىن جۇمىس ورىندارىندا, ونىڭ ىشىندە شاحتالاردا جۇمىسشىلارمەن تىكەلەي كەزدەسۋ ۇيىمداستىرىلدى. 2024 جىل 19 جەلتوقسان ساعات 09:00-دەگى جاعداي بويىنشا, كەلىسسوز جالعاسۋدا. كومپانيا بارلىق جۇمىسكەرلەردى ىستىق تاماقپەن قامتاماسىز ەتۋدە», دەلىنگەن Kazakhmys-تىڭ رەسمي سايتىندا جاريالانعان حابارلامادا.
«قازاقمىس كورپوراتسياسى» جشس قالىپتاسقان جاعدايدى تەزىرەك شەشۋ ۇشىن وڭ قادامداردى جۇزەگە اسىرۋدى جالعاستىرۋدا.
