فوتو: استانا اكىمدىگى
19 جەلتوقساندا كۇندىزگى اۋىسىمعا قالا كوشەلەرىنىڭ قارىن كۇرەۋگە 2,6 مىڭنان استام جول جۇمىسشى مەن 1200-گە جۋىق ارنايى تەحنيكا شىقتى.
19 جەلتوقسانعا قاراعان ءتۇنى قار پوليگوندارىنا 639 اۋىر جۇك رەيسىمەن 8,4 مىڭ تەكشە مەتردەن استام قار شىعارىلدى.
قىس مەزگىلىنىڭ باسىنان بەرى ەلوردادان 92 188 رەيسپەن 1,1 ملن تەكشە مەتردەن استام قار شىعارىلدى.
ەڭ الدىمەن, ەرەجەگە سايكەس, جولداردا كەپتەلىس بولماس ءۇشىن قوزعالىسى وتە قارقىندى ورىندار تازارتىلادى. سونداي-اق قارقىندىلىعى ورتاشا ۋچاسكەلەر – الاڭدار, ۆوكزال ماڭى اۋماقتارى, تروتۋارلار, الەۋمەتتىك نىساندارعا كىرمە جولدار جانە ت.ب. تازارتىلادى.
ورتالىق كوشەلەردى, جولاۋشىلار كولىگى مارشرۋتتارى جۇرەتىن ورىنداردى, ايالدامالار مەن تروتۋارلاردا تازالاۋ دا باسىمدىققا يە.
قالادا بىرنەشە جابدىقتالعان قار پوليگونى بار. ولار ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان, مۇندا بەينەباقىلاۋ كامەرالارى ورناتىلىپ, جارىقتاندىرۋ قوسىلعان.
«ەلوردا تۇرعىندارى مەن قوناقتارىنان جولداردا اباي بولۋدى, قاۋىپسىزدىك ەرەجەلەرىن ساقتاۋدى, داۋىلدى ەسكەرتۋ بولعان جاعدايدا الىس ساپارلارعا شىقپاۋدى سۇرايمىز. توتەنشە جاعداي تۋىنداعان كەزدە «112» نومىرىنە حابارلاسىڭىز», دەپ ەسكەرتتى اكىمدىك وكىلدەرى.
