ۆۆس تاراتقان مالىمەتكە سۇيەنسەك, ولاف ءشولتستى قولداپ 207 دەپۋتات ءسوز سويلەگەن, 394-ءى قارسى داۋىس بەرىپ, 116-سى قالىس قالعان. بۇل ماسەلەنى ولاف ءشولتستىڭ ءوزى پارلامەنت الدىندا كوتەرگەن. ەندى ەل پرەزيدەنتى 21 كۇن ىشىندە بۋندەستاگتى تاراتۋ-تاراتپاۋ تۋرالى شەشىم قابىلداۋى قاجەت. ال فرانك-ۆالتەر شتاينمايەر بۇعان دەيىن ەلگە تۇراقتىلىق پەن ارەكەت ەتە الاتىن ۇكىمەت قاجەت دەپ مالىمدەگەن ەدى. وسىعان قاراپ بۋندەستاگتى تاراتادى دەپ ايتۋعا سەبەپ بار. جاڭا سايلاۋ گەرمانيادا 2025 جىلدىڭ 23 اقپانىندا وتەدى.
ساۋالنامالار ناتيجەسى كورسەتكەندەي, فريدريح مەرتس باسقاراتىن حدو/حسو حريستياندىق پارتيالارىنىڭ كواليتسياسى اسكەري شىعىنداردى ۇلعايتۋعا, زاڭسىز يمميگرانتتارعا شەكارانى جابۋعا, ۋكرايناعا «تاۋرۋس» زىمىراندارىن جەتكىزۋگە ۋادە بەرگەن ەدى. ەندى وعان سايلاۋشىلاردىڭ 30%-دان استامى قولداۋ كورسەتپەك. ەكىنشى ورىندا وڭشىل پوپۋليستىك «گەرمانيا ءۇشىن بالاما» پارتياسىنا سايلاۋشىلاردىڭ 20%-عا جۋىعى داۋىس بەرۋگە دايىن. الەۋمەتتىك-دەموكراتيالىق پارتيا شامامەن 17%, ال جاسىلدار 11% داۋىس جيناي الادى-مىس.
شولتس كواليتسياسى قاراشانىڭ باسىندا گەرمانيا كانتسلەرى ەركىن دەموكراتيالىق پارتيانىڭ جەتەكشىسى, قارجى ءمينيسترى كريستيان ليندنەردى قىزمەتىنەن بوساتقاننان كەيىن ىدىراعان. ونىڭ ارتىنان ءۇش ارىپتەسىنىڭ ەكەۋى وتستاۆكاعا كەتكەن, بۇل ءىس جۇزىندە باسقارۋشى كواليتسيانىڭ ىدىراۋىنا اكەلدى. قازىر مينيسترلەر كابينەتىندە سوتسيال-دەموكراتتار مەن جاسىلدار قالدى, ال پارلامەنتتە كوپشىلىكتىڭ قولداۋىنىڭ بولماۋى ونىڭ جۇمىسىن قيىنداتىپ وتىر. ويتكەنى ءشولتستىڭ ورتالىق سولشىل سوتسيال-دەموكراتتارى مەن جاسىلدارى ينفراقۇرىلىمدى مودەرنيزاتسيالاۋدى, جاسىل ەنەرگياعا كوشۋدى قارجىلاندىرۋدى جانە قارىز قاراجاتىن پايدالانىپ ونەركاسىپ پەن ۋكرايناعا كومەكتەسۋدى قالايدى. بىراق كريستيان ليندنەردىڭ گەرمانيانىڭ ليبەرالدى ەركىن دەموكراتيالىق پارتياسى قارىز الۋعا ءۇزىلدى-كەسىلدى قارسى بولىپ, ونىڭ ورنىنا سالىقتى, الەۋمەتتىك شىعىنداردى قىسقارتۋدى جانە كومىرتەگى بەيتاراپتىعىنا كوشۋدى كەيىنگە قالدىرۋدى تالاپ ەتىپ وتىر.
