فوتو: instagram.com/skopetro
وقىس وقيعا ع.مۇسىرەپوۆ اۋدانىنىڭ بىرلىك اۋىلىندا بولعان. كوپىر تۇرعىنداردى كەلەسى اۋىل نەجينكامەن بايلانىستىرىپ وتىرعان جالعىز كوپىر بولعان.
اۋدان اكىمدىگى بيداي ارتقان اۋىر جۇك كولىگىن وزەننەن شىعارۋ جۇمىستارى جۇرگىزىلىپ جاتقانىن ءمالىم ەتتى.
«جولدى قىسقارتۋ ماقساتىندا جۇك تيەلگەن «Shacman» وسى وتكەلمەن وتپەك بولعان. سالدارىنان وتكەل سىنىپ كەتىپ, جۇك كولىگى اۋدارىلدى. زارداپ شەككەندەر جوق. قازىرگى ۋاقىتتا جۇك اۆتوكولىگىن سۇيرەپ شىعارۋ جۇمىسى جۇرگىزىلىپ جاتىر. سودان كەيىن وتكەلدى قالپىنا كەلتىرۋ جۇمىستارى باستالادى», دەلىنگەن اكىمدىك حابارلاماسىندا.
اكىمدىك كوپىردى جوندەۋ قۇرىلىسىنا جوبالىق-سمەتالىق قۇجاتتاما ازىرلەنگەنىن, قازىرگى ۋاقىتتا ول مەملەكەتتىك ساراپتامادان وتكىزىلىپ جاتقانىن دا اتاپ وتكەن.
ال اۋداندىق پوليتسيا «Shacman» اۆتوكولىگىنىڭ 56 جاستاعى جۇرگىزۋشىسى رۋلگە يە بولا الماي كولىك اۋدارىلىپ, ەسىل وزەنىنە قۇلاعانىن انىقتاعان.
وقيعانىڭ وزگە دە ءمان-جايىن انىقتاۋ ءۇشىن پوليتسيا ءىستى تەرگەۋدى باستاعان.
