جاڭا قۇرىلىسقا جاس كاسىپكەر عابيت قاينەدەنوۆ 100 ملن تەڭگە قاراجات جۇمساپتى. اپتاسىنا 6 كۇن كەلۋشىلەردى قابىلدايتىن قوعامدىق مونشادا 8 ادام جۇمىسپەن قامتىلعان. مۇندا شومىلام دەۋشىلەرگە بارلىق جاعداي جاسالعان. مونشادان شىققان سوڭ دەمالىپ, شاي ىشەتىن دە ورىنى دايار.
«اۋىلىمىزدا كوپ جىلدان بەرى كوپشىلىك مونشا جوق ەدى. وسىدان ءبىر جارىم جىل بۇرىن باۋىرىمىز ەكەۋمىز اقىلداسىپ, وسى قۇرىلىستى باستاعان ەدىك. ەلىمىز ءۇشىن ۇلىق مەرەكە قارساڭىندا ءىسىمىزدى اياقتاپ, حالىققا جاڭا قىزمەت ۇسىنىپ وتىرمىز. اۋىلداستارىمىزدىڭ كوڭىلىنەن شىعادى دەپ ويلايمىز», دەيدى عابيت قاينەدەنوۆ.
اۋىل ءۇشىن ماڭىزدى جاڭا الەۋمەتتىك نىساننىڭ اشىلۋ سالتاناتىنا اقجايىق اۋدانىنىڭ اكىمى مۇرات سەردالين ارنايى كەلىپ, مونشانىڭ جۇمىسىمەن تانىستى. ەلگە كەرەك كاسىپتى يگەرىپ, حالىققا ۇسىنىپ وتىرعان جاس كاسىپكەرگە ساتتىلىك تىلەدى.
باتىس قازاقستان وبلىسى
