بۇل وزگەرىس «بۋراباي» ۇلتتىق پاركىنىڭ بيوسفەراسىن ساقتاۋ, تۋريستەرگە بارىنشا قولايلى احۋال جاساۋ ءۇشىن قولعا الىنىپ وتىر. سونىمەن قاتار, ۇلتتىق پارك اۋماعىندا جانە وعان ىرگەلەس ورنالاسقان جەرلەردە تۇراتىن ەلدى-مەكەندەردىڭ حالقىنا ءتيىمدى بولۋ جاعى دا دا ەسكەرىلگەنىن اتاپ وتكەن ءجون.
«بۋراباي» مۇتپ ديرەكتورىنىڭ ورىنباسارى ۆەنەرا نۇعمانوۆا:
«بۇرىن ۇلتتىق پاركتەرگە كەلگەنى ءۇشىن الىناتىن تولەماقى رەسپۋبليكالىق بيۋدجەتكە تۇسسە, سالىق كودەكسىنە وزگەرىس ەنۋىنە بايلانىستى ەندى ول قاراجات ۇلتتىق پاركتەردىڭ ەسەبىندە بولادى. بۋراباي – ەلىمىزدەگى حالىق ەڭ كوپ كەلەتىن ۇلتتىق پارك. بيىل كەلگەن تۋريستەر سانى 1 ميلليوننان استى, جىل ساناپ بۇل كورسەتكىش ءوسىپ كەلە جاتىر. ارينە, تۋريستەر كوپ بولعان سايىن جەرگىلىكتى تابيعاتقا دا ۇلكەن سالماق تۇسەدى. قوقىس كوبەيەدى, توپىراق ەروزياعا ۇشىرايدى, تاۋ-تاستار ب ۇلىنەدى. ءورت قاۋپى كۇشەيەدى. جۇمىس كۇشىن كوبەيتۋگە تۋرا كەلەدى. ونىڭ بارلىعى قوسىمشا شىعىندى قاجەت ەتەدى», دەيدى.
قازىرگى تاڭدا «بۋراباي» پاركىنە كىرەتىن تۇستاردا اۆتوماتتاندىرىلعان 5 وتكىزۋ-باقىلاۋ بەكەتى جۇمىس ىستەپ تۇر. تولەمدى Kaspi جانە Halyk Bank QR-كودتارى ارقىلى جاساۋعا بولادى. سونىمەن قاتار تولەم تەرمينالدارى ورنالاستىرىلىپ جاتىر.
- «بۋراباي» ۇلتتىق پاركىنىڭ اۋماعىندا تۇراتىن, سونداي-اق ۇلتتىق پاركپەن ىرگەلەس ەلدى-مەكەندەردىڭ 26,5 مىڭ حالقىنا ءوتۋ تەگىن. ەشقانداي تولەماقى الىنبايدى. ياعني, جەرگىلىكتى حالىقتىڭ مۇددەسى ەسكەرىلدى. تۋريستەردىڭ كەلگەنى جاقسى, ارينە. بىراق وسى جەردە ءومىر ءسۇرىپ جاتقان ادامداردىڭ جاعدايىن ويلاۋ كەرەك, - دەيدى ۆەنەرا نۇعمانوۆا.
سپيكەر اتاپ وتكەندەي, «بۋرابايدا» ەكوجۇيەنى قورعاۋعا باعىتتالعان ارنايى تابيعات قورعاۋ رەجيمى بار. ورماندى ورتتەن قورعاۋ, جاڭا كوشەت وتىرعىزۋ, اڭ-قۇستار مەن بالىقتاردى قورعاۋ, ولارعا قىسقى ازىق-ت ۇلىك ازىرلەۋ, قورشاعان ورتاعا مونيتورينگ جۇرگىزۋ, بيوقالدىقتاردى تازالاۋ سياقتى جۇمىستار جىل بويى جۇرەدى. 2017 جىلى ەنگىزىلگەن تاريف 7 جىلدان بەرى العاش رەت وگەرتىلىپ وتىرعانىن ايتا كەتكەن ءجون.
