كتك جازعانداي, سۇمدىق وقيعا جىل باسىندا ءۇرجار اۋدانىندا بولعان. جەرگىلىكتى تۇرعىنداردىڭ ءبىرى تۇندە دۇكەننىڭ الدىندا ادام جاتقانىن كورىپ, جەدەل جاردەم شاقىرتقان. 22 جاستاعى راحات رايبەكتى اياۋسىز پىشاقتاپ كەتكەن ەكەن. مارقۇمنىڭ تۋىستارى ءبىر ءۇيدىڭ جالعىز ۇلىنا 21 جەردەن پىشاق سالعان دەيدى. كەيىن وسىنداي ايۋاندىققا باردى دەگەن كۇدىكپەن جەرگىلىكتى تۇرعىنداردىڭ ءبىرى ۇستالدى.
«قىلمىسكەرگە اسا جوعارى جازا بەرىلگەن جوق. ءبىز ەڭ جوعارعى جازا بەرسىن دەپ بىرنەشە رەت تالاپ-ءوتىنىش جازعانبىز. وكىنىشكە قاراي, تەرگەۋ ءىسى دە, سوت تەرگەۋ ءىسى دە قاناعاتتاندىرمادى. ەندى ءبىز اپەللياتسياعا بەرىپ, ءارى قاراي ادىلدىكتىڭ, شىندىقتىڭ تۇبىنە جەتۋگە دايىنبىز», دەيدى مارقۇمنىڭ اپكەسى شولپان مۇحامەدجانوۆا.
سۋديا جالعان كۋاگەر بولعانداردىڭ ءبارىن جاۋاپقا تارتۋ تۋرالى دا شەشىم شىعاردى. سونداي-اق اسكەري كوميسسارياتقا دا تەكسەرىس جۇرگىزىلەتىن بولادى. سەبەبى, قارا جامىلعان وتباسى ايعاقتاردى جويۋعا كومەكتەسكەندەردىڭ بارلىعىن جاۋاپقا تارتۋدى تالاپ ەتكەن. ال سوتتالۋشى جازاسىن قاۋىپسىزدىگى ورتاشا مەكەمەدە وتەمەك.
«قانات سامات ۇلى پۇشپاقپاەۆ, قر قك 99-بابىنىڭ 1-بولىگىنە ساي قىلمىس جاساعانى ءۇشىن كىنالى دەپ تانىلىپ, 12 جىلعا باس بوستاندىعىنان ايىرىلسىن. قر قك 46-بابى, 5-بولىگىنىڭ 2-تارماعىنا سايكەس, جازاسىن قىلمىستىق اتقارۋ جۇيەسىنىڭ ورتاشا قاۋىپسىز مەكەمەسىندە وتەسىن», دەدى سۋديا ايجان بەسەەۆا.
