بۇل الەمدىك بىرىنشىلىك حالىقارالىق جارىس كۇنتىزبەسىندەگى ماڭىزدى وقيعا بولماق, سەبەبى تۋرنير 2028 جىلى اقش-تىڭ لوس-اندجەلەس قالاسىندا وتەتىن جازعى وليمپيادا ويىندارى قارساڭىندا ۇيىمداستىرىلادى.
چەمپيوناتتىڭ وتكىزىلۋ مەرزىمى مەن ۇيىمداستىرۋ جۇمىستارى تۋرالى قوسىمشا اقپارات كەيىنىرەك حابارلانادى.
«2027 جىلى وليمپيادا الدىندا وتەتىن بوكستان الەم چەمپيوناتىن وتكىزۋ – قازاقستان ءۇشىن ۇلكەن مارتەبە ءارى جاۋاپكەرشىلىك. ءبىزدىڭ ەل ءىرى حالىقارالىق سپورتتىق جارىستاردى جوعارى دەڭگەيدە وتكىزۋدە مول تاجىريبەگە يە جانە بۇل تۋرنير دە سول داستۇردەن تىس قالمايتىنىنا سەنىمدىمىن.
وليمپيادا الدىنداعى بۇل چەمپيوناتتىڭ ماڭىزدىلىعىن تۇسىنە وتىرىپ, World Boxing ۇيىمىنا بىلدىرگەن سەنىمى ءۇشىن العىسىمدى ايتامىن», دەدى قازاقستان ۇلتتىق وليمپيادالىق كوميتەتىنىڭ پرەزيدەنتى, World Boxing وليمپيادالىق كوميسسياسىنىڭ توراعاسى گەننادي گولوۆكين.
