«اقسۇيەكتەر» بۇل ماتچقا نەگىزىنەن جاستارىن اكەلگەن. بىراق سونىڭ وزىندە 19 جاستاعى يسپانيالىق مارك گيۋ ءبىرىنشى تايمدا دۋبل جاساپ, ماتچ تاعدىرىن شەشىپ تاستادى. ءبىر گولدى پورتۋگاليالىق قورعاۋشى رەناتۋ ۆەيگا سالدى. ۇزىلىسكە دەيىن «استانا» كاپيتانى مارين توماسوۆ ءبىر تۋرا سوققىمەن جاۋاپ بەردى. بۇدان كەيىن تابلودا وزگەرىس بولمادى. قورىتىندى ەسەپ – 1:3.
وسىلايشا, ەلوردالىق كوماندا «چەلسيدىڭ» ءۇشىنشى قۇرامىنا دا توتەپ بەرە المادى.
ەسكە سالساق, بۇعان دەيىن «استانا» ءوز الاڭىندا سەربيالىق «تستس باچكا-توپولا» (1:0) كومانداسىن جەڭسە, پورتۋگاليالىق «ۆيتوريامەن» (1:1) تەڭ ءتۇستى. سىرت الاڭدا ۋەلستىڭ «نيۋ-سەينتس» (0:2), كيپرلىك «پافوس» (0:1) كلۋبتارىنا ەسە جىبەردى.
بەس ماتچتىڭ قورىتىندىسى بويىنشا «استانانىڭ» ەنشىسىندە 4 ۇپاي بار. تۋرنير كەستەسىندە 23-ورىندا تۇر.
