فوتو: Zakon.kz
شىعىس قازاقستان وبلىسىنىڭ پوليتسيا دەپارتامەنتى ەكى قىزدىڭ جوعالعانى تۋرالى اقپاراتتى راستادى.
بولجام بويىنشا, انەل ەرىك 2005 جىلى 31 جەلتوقساندا دۇنيەگە كەلىپ, 12 قاراشا كۇنى تاڭەرتەڭ ۇيدەن شىعىپ كەتكەن. ونى مەتاللۋرگ ساياباعىنىڭ اۋماعىندا كورگەن, سودان كەيىن ول كوزدەن عايىپ بولعان. ونىڭ وتباسىمەن بايلانىسى ۇزىلگەن. جوعالعان كەزدە بويجەتكەننىڭ ۇستىندە جاسىل جەيدە, قارا ەتىك, شالبار جانە فۋتبولكا بولعان.

ەكىنشى قىز ايپارا تۇلاقباي 2000 جىلى 17 شىلدەدە دۇنيەگە كەلگەن. ول 25 قاراشادا جوعالىپ كەتكەن. وعان ۇقساس قىزدى 29 قاراشادا كورگەن.
جوعالعان قىزداردى ىزدەۋگە Lider.kz قوزعالىسىنىڭ ەرىكتىلەرى بەلسەندى قاتىسىپ جاتىر. ەرىكتىلەر توبىنىڭ شقو بويىنشا باس ۇيلەستىرۋشىسى ولەسيا كلينكوۆانىڭ ايتۋىنشا, ىزدەستىرۋ جۇمىسى اۋرۋحانالاردى, ءمايىتحانالاردى تەكسەرۋ, تۋىستارىمەن, دوستارىمەن سۇحبات الۋ جانە الەۋمەتتىك جەلىلەردەگى دەرەكتەردى تالداۋ سياقتى جۇيە بويىنشا جۇرگىزىلىپ جاتىر.

«ەكى قىزدىڭ دا ۇيدەن ءوز ەركىمەن كەتكەنىن بىلەمىز. ولاردىڭ شىعۋىنىڭ ءمان-جايى انىقتالدى, بىراق بۇل اقپارات قۇپيا. ءبىز باقىلاۋ كامەرالارىنىڭ بەينەجازبالارىن دا تەكسەردىك, بىراق وسكەمەندەگى كەيبىر كامەرالار جۇمىس ىستەمەيدى. الايدا, ايپاراعا ۇقساس قىزدى بايقاعان», دەدى ولەسيا كلينكوۆا.
سونداي-اق ەرىكتىلەردىڭ ايتۋىنشا, ءىز-ءتۇزسىز جوعالعانداردىڭ تۋىستارى ىزدەۋ جۇمىستارىنا بەلسەندى تۇردە اتسالىسىپ جاتىر.