فوتو: primeminister.kz
پرەزيدەنت «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى حالىققا جولداۋىندا ەلىمىزدىڭ ونەركاسىپتىك الەۋەتىن اشۋعا جۇيەلى كۇش سالۋ قاجەتتىگىن باسا ايتىپ, تەرەڭ وڭدەۋ ءتاسىلىن مەڭگەرۋگە باسىمدىق بەرىلگەن 17 ءىرى جوبانىڭ ءتىزىمىن اتاپ وتكەن بولاتىن.
بۇل جوبالار ەكونوميكانى ءارتاراپتاندىرۋ جانە وڭدەۋ ونەركاسىبىنىڭ باسەكەگە قابىلەتتىلىگىن ىنتالاندىرۋ باعدارلاماسى شەڭبەرىندە ىرىكتەلگەن. ولار مەتاللۋرگيا, حيميا, مۇناي-حيميا, اۆتوكولىك, تۋريزم, اۋىل شارۋاشىلىعى جانە تاماق ونەركاسىبى سياقتى نەگىزگى سالالاردى قامتىماق.
ۇكىمەتتىڭ حابارلاۋىنشا, جوبالار ءتىزىمى نەگىزگى مىنا كريتەريلەر بويىنشا تاڭدالعان:
- ء ونىمدى قايتا ءبولۋدىڭ ورتاشا جانە جوعارى دەڭگەيى;
- ەكسپورتقا جانە يمپورتتى الماستىرۋعا باعدارلانۋ;
- وندىرىلەتىن ونىمگە نارىقتىق سۇرانىس;
- ەل نەمەسە ايماق ەكونوميكاسى ءۇشىن ستراتەگيالىق ماڭىزدىلىعى – مۋلتيپليكاتيۆتى اسەر.
بۇل جوبالارعا شامامەن 15 ترلن تەڭگە ينۆەستيتسيا تارتىلىپ, 25 مىڭنان استام جۇمىس ورنى اشىلادى. ەكولونميكالىق جوبالار ءساتتى جۇزەگە اسسا, ەكسپورت كولەمى 6 ترلن تەڭگەگە ارتتىرىپ, يمپورتقا تاۋەلدىلىكتى 1,5 ترلن تەڭگەگە دەيىن تومەندەۋ جوسپارلانىپ وتىر.
