الدىمەن قالا اكىمى جانسەيىت قاينارباەۆ جاڭاوزەننىڭ 2024 جىلدىڭ قاڭتار-قازان ايلارىنداعى الەۋمەتتىك-ەكونوميكالىق دامۋ كورسەتكىشتەرى, 2025 جىلعا ارنالعان نەگىزگى جوسپارلارى تۋرالى بايانداما جاسادى.
ج.قاينارباەۆتىڭ ايتۋىنشا, قالادا 2024–2026 جىلدار ارالىعىندا جالپى قۇنى 174 ملرد تەڭگەدەن اساتىن 13 جاڭا ءىرى ينۆەستيتسيالىق جوبالاردى جۇزەگە اسىرۋ جوسپارلانعان, ول جوبالار جۇزەگە اسقاندا مىڭنان استام جاڭا جۇمىس ورىنى اشىلاتىن بولادى.
جوسپارلانعان جوبالار قاتارىندا بەتون شىعارۋ زاۋىتى, جاڭا گاز وڭدەۋ زاۋىتى, سونداي-اق «قازمۇنايگاز» ۇك» اق مەن «Eni S.p.A.» كومپانياسىنىڭ بىرلەسكەن گيبريدتى ەلەكتر ستانساسى, سونداي-اق 2025 جىلى «KazPetroDrilling» اق-نىڭ سورعى-كومپرەسسورلىق قۇبىرلار مەن سورعى شتانگالارىن وندىرەتىن زاۋىتى, شاعىن قۇس فەرماسى جوباسىن جۇزەگە اسىرۋ جوسپارلانىپ وتىر. قازىر اتالعان جوبالار جۇمىسى تياناقتى جۇرگىزىلىپ جاتىر. 2025 جىلى ءساۋىر ايىندا اشىلادى دەپ جوسپارلانعان سورعى-كومپرەسسورلىق قۇبىرلار مەن سورعى شتانگالارىن وندىرەتىن زاۋىت قۇرىلىسى قارقىندى. نەگىزگى تسەح قۇرىلىسىنىڭ, اسحانا مەن جاتاقحانا قۇرىلىستارىنىڭ ىرگەتاستارى قالانىپ, قابىرعالارى كوتەرىلىپ, مونتاجداۋ جۇمىستارى مەن وزگە دە ىشكى جۇمىستارى ءجۇرىپ جاتىر. نەگىزگى تسەحتىڭ بەتون توسەنىشىن جاساۋ جۇمىستارى قولعا الىنىپ, ءمودۋلدى عيماراتتىڭ قۇرىلىسى 95%-عا, مودۋلدىك عيماراتتىڭ ىشكى ينجەنەرلىك كوممۋنيكاتسيالىق مونتاج جۇمىستارى مەن نەگىزگى تسەحتىڭ تەمىر كونسترۋكتسيالارىن مونتاجداۋ 70%-عا ورىندالعان. سونداي-اق نەگىزگى تسەحتىڭ قۇبىرلار, سۋمەن قامتاماسىز ەتۋ جابدىقتارى جۇمىسى دا 30% شاماسىندا ەڭسەرىلگەن ەكەن. مەجەلەنگەن ۋاقىتتان كەش قالىپ جاتقان تۇستار دا جوق ەمەس, بىراق جۇمىستى ءساۋىر ايىنا دەيىن اياقتاۋ باستى نازاردا.
جولاۋشىلار تاسىمالى سالاسىندا بيىل قالا اۋماعىندا 5 قوسىمشا باعىت اشىلىپ, قازىرگى ۋاقىتتا 10 مارشرۋت بويىنشا 33 اۆتوبۋس قىزمەت كورسەتىپ كەلەدى. سونداي-اق كەندىرلى تۋريستىك ايماعىن دامىتۋ اياسىندا كيەلى ورىندارعا جاڭا باعىتتار اشۋ, ياعني «كەندىرلى – تەمىر بابا قورىمى – قاۋىندى», «قورعانباي ويپاتتارى – كەندىرلى-قاياسان – ادامتاس – اقسۋ» تۋريستىك مارشرۋتى ارقىلى قاراقيا اۋدانىنا قاراستى «ونەرە بۇلاعى – قارىنجارىق ويپاتى – بۋلىويىق ۇڭگىرى – قىزىلكۇپ شاتقالى – بوقتى تاۋى – سەنەكتىڭ قۇمى – بوزجىرا – بەكەت اتا» مارشرۋتىنا جالعاستىرۋ كوزدەلىپ وتىر.
الەۋمەتتىك سالانى جاقسارتۋ ماقساتىندا كەندىرلى اۋىلىندا 50 ادامعا ارنالعان دارىگەرلىك امبۋلاتوريانىڭ قۇرىلىسى اياقتالدى, نىسان جىل سوڭىنا دەيىن پايدالانۋعا بەرىلەدى.
جاڭاوزەن قالاسى مەن وعان قاراستى اۋىلداردا 442 كاسىپكەرلىك نىسان تىركەلگەن. كاسىپكەرلىكتى دامىتۋ ماقساتىندا ء«بىر اۋىل – ءبىر ءونىم» ۇلتتىق جوباسى اياسىندا فورۋم مەن جارمەڭكە ۇيىمداستىرىلىپ, جەرگىلىكتى كاسىپكەرلەر ءوز ونىمدەرىن تانىستىرۋعا مۇمكىندىك الدى. ناتيجەسىندە, ەكى جوبا فينالعا شىعىپ, ولاردىڭ ءارى قاراي دامۋىنا ارنايى عيمارات ءبولىندى.
جاڭاوزەن قالاسىندا تۇرعىندار ءۇشىن ساپالى جول ينفراقۇرىلىمىن قۇرۋعا, تۇرعىنداردىڭ ءومىر ساپاسىن ارتتىرۋعا باعىتتالعان 13 جوبا ىسكە اسىرىلىپ جاتىر. ونىڭ ىشىندە 8 جوبا «اۋىل – ەل بەسىگى», «مونوقالالاردى دامىتۋ» باعدارلامالارى شەڭبەرىندە قولعا الىنعان. «اۋىل – ەل بەسىگى» باعدارلاماسى اياسىندا تەڭگە, كەندىرلى, قىزىلساي, راحات اۋىلدارىندا جول سالۋ, جوندەۋ جۇمىستارى جۇرگىزىلىپ جاتىر. سونداي-اق «مونوقالالاردى دامىتۋ» باعدارلاماسى اياسىندا راحات اۋىلىنداعى, مەرەي شاعىن اۋدانىنداعى جول قۇرىلىستارى قارقىندى جۇرگىزىلىپ, ماڭعىستاۋ وبلىسىنىڭ 2021–2025 جىلدارعا ارنالعان الەۋمەتتىك-ەكونوميكالىق دامۋ كەشەندى جوسپارى اياسىندا قالادا العاش رەت جاستارعا ارنالعان 350 ورىندىق «Bolashaq Sarayi» سالىنىپ جاتىر. جالپى اۋدانى 3 مىڭ شارشى مەتردى قۇرايتىن بۇل رۋحانيات ورتالىعىندا بالالار مەن جاستاردىڭ شىعارماشىلىق, تەحنيكالىق قابىلەتتەرىن دامىتۋعا ارنالعان روبوتتەحنيكا جانە باعدارلامالاۋ, 2D/3D مودەلدەۋ, شەت تىلدەرى, كيىم ديزاينى مەن تىگىن ءىسى, قولونەر, ۆوكال, حالىق اسپاپتارىندا ويناۋ باعىتتارى بويىنشا ارنايى كابينەتتەر اشۋ جوسپارلانعان. «اۋىل – ەل بەسىگى» باعدارلاماسى اياسىندا كەلەر جىلى راحات اۋىلىندا جالپى اۋدانى 3 474 شارشى مەتر بولاتىن 300 ورىندىق زاماناۋي مادەنيەت ءۇيى, جاڭاوزەندە قالالىق جاستار رەسۋرستىق ورتالىعىنىڭ جانىنان زاماناۋي كوۆوركينگ ورتالىعى اشىلادى.
جاڭالىعى كوپ جاڭاوزەندەگى كەزدەسۋدە تۇرعىندار ايماق باسشىسى ن.قيلىبايعا تولعاندىرعان ماسەلەلەرىن جەتكىزىپ, شەشىمىن كۇتكەن تۇيتكىل ىستەردى ورتاعا سالدى. حالىقتىڭ باسىم كوپشىلىگى تۇرعىن ءۇي, جۇمىسسىزدىق, جول ماسەلەسى, كاسىپكەرلىك, ءبىلىم سالاسى مەن ۇلەسكەرلەرگە قاتىستى ماسەلەلەردى كوتەردى.
ماڭعىستاۋ وبلىسى
