بولار بالا بەسىگىندە بۇلقىنار

سارسەنبى كۇنى الماتىدا بەلگىلى قالامگەر ءارى قوعام قايراتكەرى ەربول شايمەردەن ۇلىنا ارنالعان رەسپۋبليكالىق عىلىمي-تاجىريبەلىك كونفەرەنتسيا­ ­بولىپ ءوتتى. اتالمىش شاراعا ەلىمىزدىڭ تانىمال­ جۋرناليستەرى, باق وكىلدەرىنىڭ باسشىلارى مەن عالىمدارى قاتىستى.  جاقسى جۋرناليست بولامىن, ەلجاندى ازامات بولامىن, مەم­­لە­كەتشىل بولامىن دەيتىن جاس­تار ءۇشىن تاعىلىمى مول شارانى ۇيىمداستىرۋعا ءال-فارا­بي اتىنداعى قازاق ۇلتتىق ۋنيۆەر­سيتەتىنىڭ جۋرناليستيكا فاكۋل­تەتى ۇيىتقى بولدى. ستۋدەنتتەر قاۋىمى ەربول شاي­مەردەن ۇلىنىڭ عيبراتتى ءومىر جولى ارقىلى جۋرناليستيكانىڭ جۇگى, جازۋ ونەرىنىڭ قىر-سىرى, قايراتكەرلىككە باستاعان تەرەڭ ءبىلىم مەن جاۋاپكەرشىلىكتىڭ ۇلگى­سىمەن قاۋىشتى. ەربول شايمەردەن ۇلىنىڭ ەلىنە سىڭىرگەن ەڭبەگى مەن ءومىرى جايلى ءال-فارابي اتىنداعى قازۇۋ رەكتورىنىڭ كەڭەسشىسى, پرو­فەسسور, بەلگىلى اقىن باۋىر­جان جاقىپ بايانداما جاسادى. – ەربول شايمەردەن ۇلىنىڭ ەسىمى ەلگە ەرتە تانىلدى. 80-ءشى جىلدارى قازگۋ-ءدىڭ جۋرناليس­تيكا فاكۋلتەتىندە وقىتۋشى بولىپ جۇرگەن كەزىم بولاتىن. بىردە كافەدرا مەڭگەرۋشىسى, پروفەسسور تاۋمان اماندوسوۆ دوتسەنت سەيدىلدا ورداليەۆپەن اڭگىمەلەسىپ وتىر ەدى. اڭگىمە اراسىندا تاۋكەڭ: «تسك-نىڭ سەكتور مەڭگەرۋشىسى بولىپ مەنىڭ شاكىرتىم ەربول شايمەردەنوۆ تاعايىندالىپتى»,– دەگەنىن قۇلا­عىم شالىپ قالدى. پروفەس­سور قاشاندا ءوزىنىڭ شاكىرتتەرىمەن ماق­تاناتىن. كاكىمجان قازىباەۆ, سەيداحمەت بەردىقۇلوۆ, ەرجۇمان سمايىل ەسىمدەرىن ءجيى ايتاتىن. سول تاۋكەڭ ەربول شاي­مەر­دەنوۆتى دە ءوزىنىڭ الدىن كورگەن, بيىكتەردى باعىندىرعان شاكىرتى رەتىندە اتايتىنىن تالاي مارتە ەستىدىم. ەربول – جوعارعى كەڭەستە ءباسپاسوز حاتشىسى بولعان كەزىندە ەلىمىز تاۋەلسىزدىگىنە ءبىر كىسىدەي ەڭبەك سىڭىرگەن قايراتكەر بولاتىن. كەيىن پرەزيدەنت اكىمشىلىگىندە, پارلامەنتتە, مادەنيەت جانە اقپارات مينيسترلىگىندە جاۋاپتى قىزمەتتەر اتقارعان جىلدارىندا ءوزىنىڭ اسقان جاۋاپكەرشىلىگىمەن, مادەنيەتتىلىگىمەن, بىلىكتىلىگىمەن, بىلىمدىلىگىمەن كوزگە ءتۇستى. ءوز باسىم ەرەكەڭ تۋرالى ءبىر دە ءبىر جامان ءسوز ەستىمەپپىن. كىم ايتسا دا ەرەكەڭنىڭ بيازىلىعىن, اقكوڭىلدىگىن, وتانسۇيگىشتىگىن ەرەكشە ايتاتىن ەدى, – دەپ باس­تالعان بايانداماشىنىڭ ءسوزى ەر­بول شايمەردەن ۇلىنىڭ ءومىر جولىنا, اقىندىعىنا جانە انا ءتىلىن ارداقتاپ عانا قويماي, مەم­لەكەتتىك ءتىلدى دامىتۋعا قوسقان ناقتى ىستەرىنە ۇلاستى. وسىدان كەيىن قازاق جۋرنا­ليس­تيكاسىنا ءبىر كىسىدەي عۇمىرىن ارناعان ماماديار جاقىپ, «ەگەمەن قازاقستان» گازەتىنىڭ بۇرىنعى باس رەداكتورى ەرجۇمان سمايىل, «حالىق كەڭەسى» گازەتىنىڭ بۇرىنعى باس رەداكتورى سارباس اقتاەۆ, «ايقىن» گازەتىنىڭ باس رەداكتورى نۇرتورە ءجۇسىپ سىندى ازاماتتار ەربول شايمەردەن ۇلى جايلى بولاشاق جۋرناليستەرگە تاماشا ەستەلىكتەر ايتتى. ستۋدەنتتەرگە «قازاقستان» ۇلتتىق ارناسىندا كورسەتىلگەن «جارقىن بەينە» اتتى تەلەسيۋجەت ۇسىنىلدى. «بولار بالا بەسىگىندە بۇلقىنار» دەگەندەي, جاستار كەيىپكەردىڭ بالالىق شاعىنان بىلىمپازدىققا ۇمتىلىپ, ماقسات­شىل بولعانىن كوردى. جاس­تاردى بىلاي قويعاندا, ەربول شاي­مەردەن ۇلىن بىلەمىن دەگەن زامانداستارى دا قالامگەرلىگىن قايراتكەرلىگىمەن, قايراتكەرلىگىن قالامگەرلىگىمەن سۋارعان ازامات­تىڭ بۇرىن ايتىلماعان قىرلارىمەن قاۋىشتى. سول سياقتى مەرەكە قۇلكەنوۆ, نۇرسان ءالىمباي, مارات توقاش­باي, قاسىمحان بەگمانوۆ, قور­عانبەك امانجول, قۇدايبەرگەن تۇر­سىن سىندى ەل ازاماتتارى ساليقالى ەستەلىكتەرىمەن ەربول شايمەردەن ۇلىنىڭ تۇلعاسىن سومدادى. ايناش ەسالي, «ەگەمەن قازاقستان». الماتى.