سۋرەت: qazaly.kz
بيىل قاراشا ايىندا جىلجىمايتىن م ۇلىك نارىعى وڭ ديناميكاسىمەن ەرەكشەلەندى. جايلى تۇرعىن ۇيلەردىڭ قايتا ساتىلىمى ايلىق 0,4 پايىز ءوسىم كورسەتكەن. ساتىلىم بىلتىرمەن سالىستىرعاندا 3,2 پايىزعا كوبەيگەن. ورتاشا باعا – شارشى مەترىنە 511,7 مىڭ تەڭگە (قازاندا – 509,4 مىڭ تەڭگە).
جاڭا ۇيلەردىڭ ساتىلىمى دا ايلىق 0,4 پايىزعا وسكەن. جىلدىق 3,4 پايىزعا وسكەن. ورتاشا باعاسى – شارشى مەترىنە 499,2 مىڭ تەڭگە (قازاندا – 4,5 مىڭ تەڭگە).
جايلى تۇرعىن ۇيلەردى جالعا بەرۋ اقىسى ايلىق 0,4 پايىزعا وسكەن. جىلدىق 6,0 پايىزعا ارتقان. ورتاشا باعاسى – شارشى مەترىنە 4,5 مىڭ تەڭگە (قازاندا – 4,5 مىڭ تەڭگە).
ارەندالىق تۇرعىن ءۇي باعاسى ورتاشا العاندا سەگىزىنشى اي قاتارىنان قىمباتتادى, بىراق ايلىق ءوسىم ديناميكاسى باياۋلاعان.
تۇرعىن ءۇي جىلجىمايتىن م ۇلىك نارىعىنداعى جيناقتالعان باعا ءوسىمىن 2022 جىلدىڭ قاڭتارى مەن 2024 جىلدىڭ قاراشاسى ارالىعىنداعى تۇتىنۋشىلىق ينفلياتسيامەن سالىستىرساق, باستاپقى تۇرعىن ءۇي – 20,6 پايىزعا, قايتالاما تۇرعىن ءۇي – 17,9 پايىزعا, جالعا بەرىلەتىن تۇرعىن ءۇي – 48,4 پايىزعا, تۇتىنۋشىلىق ينفلياتسيا 42,4 پايىزعا وسكەن.
«ارەندالىق تۇرعىن ءۇي ورتاشا باعاسىنىڭ جيناقتالعان ءوسىمى 2022 جىلدىڭ قاڭتارىنان بەرگى جيناقتالعان ينفلياتسيانى قۋىپ جەتتى. بۇل – اقىلى قىزمەتتەردىڭ قىمباتتاۋىنىڭ اسەرى. قازىر باستاپقى جانە قايتالاما نارىقتاعى باعا ينفلياتسيادان ايتارلىقتاي قالىپ كەلە جاتىر», دەلىنگەن بيۋرو مالىمدەمەسىندە.
«قازاقستانداعى جاڭا جانە قايتالاما تۇرعىن ءۇي باعاسى سۇرانىسقا ايتارلىقتاي تاۋەلدى ەكەنىن تاعى دا ەسكە سالعىم كەلەدى, ونى مەملەكەت مەملەكەتتىك يپوتەكالىق باعدارلامالار («وتباسى بانك», «ۇلتتىق بانك», بجزق) ارقىلى ىنتالاندىرادى. 2021 جىلى ءبىز بجزق اسەرىنىڭ اجەپتاۋىر بولعانىن بايقادىق. سونىڭ سالدارىنان سوڭعى جىلدارى شەكتەۋ شارالارى ەنگىزىلە باستادى», دەيدى «Tengenomika» ساراپشىلارى.
تەلەگرامداعى «كوممەنتاري» كانالىنىڭ جازۋىنشا, تۇرعىن ءۇي نارىعى بىرتىندەپ يمپۋلس الىپ كەلە جاتىر (بجزق-دان اۋدارىم كولەمىنىڭ ارتقانىن ەسكەرسەك). «بۇل قايتالاما نارىققا پايدالى. يپوتەكاعا قاتىستى مامىلەلەردىڭ تسيفرلارىن كۇتۋ كەرەك. دەگەنمەن جىلجىمايتىن مۇلىك قۇنى 2023 جىلدان بەرى قۇلدىراۋدا» دەيدى اۆتورلار.
«ArtFinanz» ارناسىنىڭ پايىمداۋىنشا, سۇرانىستىڭ وزگەرۋى نارىقتا بىرقاتار سالداردى تۋعىزادى.
«Krisha» سايتىنا قارايتىن بولساق, الماتىدا – 37 مىڭ پاتەر, استانادا 35 مىڭ پاتەر ساتىلىپ جاتىر. حالىق سانىنىڭ از ەكەنىنە قاراماستان استانادا ساتىلىپ جاتقان پاتەر كولەمى الماتىمەن تەڭەسە جازداپ تۇر. قاتەلەسۋىم دە مۇمكىن, بىراق كوكتەمگە تامان ساتىپ الۋ-ساتۋ بويىنشا مامىلە كوپ بولاتىن سەكىلدى. پلاتفورمادا كەيبىر ۇيلەر مەن پاتەرلەردىڭ باعاسى جىل بويى وزگەرىسسىز تۇر. ءتىپتى كەيبىرىنىڭ باعاسى تومەندەتىلگەن. ينفلياتسيانى ەسەپكە الاتىن بولساق, تۇرعىن ءۇي ارزانداپ جاتىر دەۋگە بولادى. مەنىڭ براۋزەرىمدە جىلدار بويى ساقتالىپ تۇرعان ونداعان نىساننىڭ حابارلاماسى بار پاپكا قۇرىلعان. جيناقتالعان ينفلياتسيا 20 پايىزدان اسىپ كەتتى, ال ولار بولسا ءالى ەسكى باعامەن تۇر. ونىڭ سەبەپتەرى ءار الۋان. بىرىنشىدەن, حالىقتىڭ ناقتى تابىسى تىم باياۋ ءوسىپ جاتىر. ەكىنشىدەن, يپوتەكا ارناسى تارىلىپ كەتتى. بۇل ءبىر جاعىنان دۇرىس تا, ويتكەنى قازىر جەڭىلدەتىلگەن يپوتەكالاردى ىسكە قوسسا, وندا باسپانا باعاسى شارىقتاپ كەتەدى, ءسويتىپ, ول ءوز كەزەگىندە ينفلياتسيانى دا ارتتىرادى. ۇشىنشىدەن, قازىر جىلجىمايتىن م ۇلىك باعاسى جوعارىلاتىپ قويىلعان. بجزق-دان اقشا اۋدارۋ ىسكە اسىرىلعاننان كەيىن بىرقاتار ءوڭىر مەن سەگمەنتتە باعا ەكى ەسە ءوسىپ كەتتى. ال قۇرىلىسشىلار تاراپىنان شىعىنداردىڭ اشىقتىعىن ءبىز سول كۇيى كورە المادىق. تورتىنشىدەن, باعانىڭ باستى قوزعالتقىشى سانالاتىن مەملەكەت قازىر تۇرعىن ءۇي ەمەس, ينفراقۇرىلىمدىق جوبالارعا باسىمدىق بەرىپ وتىر. بۇل قيسىنعا كەلەدى, ويتكەنى ادامداردا جۇمىس پەن اقشا بولسا, وندا باسپاناعا دەگەن سۇرانىس تا وزدىگىنەن ارتادى», دەيدى ساراپشى.
