فوتو:gov.kz
بۇگىندە قىزىلوردا وبلىسى تۇرعىندارىن گازبەن قامتۋ كورسەتكىشى 75 پايىز, بيىل 30 ملرد. تەڭگەدەن استام قارجىعا 306 شاقىرىم گاز جەلىلەرى تارتىلۋدا. وسى جوبالاردىڭ ارقاسىندا ايماق حالقىنىڭ 78 پايىزى «كوگىلدىر وتىنمەن» قامتىلادى. كەلەسى جىلى 10-نان استام ەلدى مەكەندى گازداندىرۋ جوسپارلانعان. وسىنداي يگىلىكتى ىستەر اۋىل تىرشىلىگىنىڭ تامىرىنا قان جۇگىرتىپ, حالىقتىڭ ءال-اۋقاتىن ارتتىرۋعا جول اشادى.
بيىلعى جىلدىڭ تامىز ايىندا قىزىلوردا قالاسىنىڭ ىرگەسىندە ورنالاسقان اقجارما اۋىلدىق وكرۋگىنە گاز جەلىسىن تارتۋ جۇمىستارى باستالعان. قۇنى 1 ميلليارد 260 ميلليون تەڭگە بولاتىن اۋقىمدى جوبا جوسپارعا سايكەس 10 اي مەرزىمدە اياقتالۋى ءتيىس بولاتىن. دەگەنمەن, مەردىگەر مەكەمە «سمپ – قىزىلوردا» جشس جىل سوڭىنا دەيىن كوگىلدىر وتىنعا قوسۋعا بار كۇشتى جۇمىلدىرامىز دەپ وتىر.
بيىل اقجارما اۋىلدىق وكرۋگىمەن قاتار 3,1 ملرد. تەڭگەگە سابالاق ساياجايىنا گاز جەلىسىن تارتۋ جانە 689,2 ملن. تەڭگەگە قالادا قالىپ قويعان ۋچاسكىلەردى گازداندىرۋ جۇمىستارى جۇزەگە اسىرىلۋدا.
ايتا كەتۋ كەرەك, قىزىلوردا قالاسىنا قاراستى تاسبوگەت پەن بەلكول كەنتتەرى, قىزىلجارما, تالسۋات, قاراۋىلتوبە, اقسۋات, قوسشىڭىراۋ اۋىلدىق وكرۋگتەرىندەگى تۇرعىن ۇيلەرگە گاز جەلىسى ىسكە قوسىلعان.
