فوتو: اشىق دەرەككوز
مەكتەپ وقۋشىلارىنىڭ قىسقى دەمالىستاعى بوس ۋاقىتىن ءتيىمدى وتكىزۋ جانە جەكە تۇلعالىق قاسيەتتەرىن دامىتۋ ماقساتىندا ء«بىرتۇتاس تاربيە» باعدارلاماسى ءاياسىندا ىس-شارالار جوسپارى جاسالعان. ول بويىنشا مەكتەپتەردە بىرقاتار ءبىلىم بەرۋ, سپورتتىق, مادەني جانە شىعارماشىلىق ءىس-شارالار وتكىزۋ جوسپارلانعان:
• «وقۋعا قۇشتار مەكتەپ» جوباسىن ىسكە اسىرۋ اياسىندا «قىستا كىتاپ وقيمىز, جادىمىزعا توقيمىز» مەكتەپىشىلىك ءىس-شاراسى;
• تەاتر فەستيۆالدەرى مەن قويىلىمدارى;
• جاڭا جىلدىق اشەكەيلەر جاساۋ بويىنشا شەبەرلىك ساباقتارى;
• قاۋىپسىزدىك ساباقتارى;
• مۇراجايلارعا, عىلىمي ورتالىقتارعا جانە تاريحي ەسكەرتكىشتەرگە تانىمدىق ەكسكۋرسيالار;
• سپورتتىق ويىندار, كونكي, شاڭعى تەبۋ;
• قايىرىمدىلىق اكتسيالارى جانە باسقا دا شارالار.
«ەڭ باستىسى - بالالاردىڭ قاۋىپسىزدىگىن قامتاماسىز ەتۋ. وسى ماقساتتا اتا-انالارمەن بىرگە جول-كولىك جاراقاتتارىنىڭ الدىن الۋعا, مەكتەپتىڭ ىشكى ءتارتىبىن ساقتاۋعا, بالالاردىڭ كوشەدەگى قاۋىپسىزدىگىنە, ۇيدەگى ءورت قاۋىپسىزدىگى جانە كيبەرقاۋىپسىزدىككە ەرەكشە نازار اۋدارىلادى», دەپ حابارلادى وقۋ-اعارتۋ مينيسترلىگىنىڭ ءباسپاسوز قىزمەتى.
ايتا كەتەيىك, بۇل ءىس-شارالار ءبىلىم بەرۋ ۇيىمدارىنا ادىستەمەلىك ۇسىنىم رەتىندە جولدانادى.
