جاڭاسەمەيدىڭ ىلكىمدى جوبالارى

2024 جىلدىڭ 11 ايىنىڭ قورىتىندىسى بويىنشا ءوڭىر ەكونوميكاسىندا وڭ وزگەرىس بايقالادى. شاعىن جانە ورتا بيزنەس سۋبەكتىلەرىنىڭ سانى 55 442-گە دەيىن ءوستى, ونىڭ 734-ءى جاڭاسەمەي اۋدانىندا تىركەلگەن. اۋدان اگرارلىق سالادا جوعا­رى الەۋەتكە يە. 10 ايدا جالپى ءونىم كولەمى 18,5 ملرد تەڭگەنى قۇرادى, ال ناقتى كولەم يندەكسى 101,6%-عا جەتتى. اۋىل شارۋا­­شى­لىعى ونىمدەرىن وندىرۋدە 13 مىڭ توننا ەت, 7 مىڭ توننا ءسۇت, 2,7 ملن جۇمىرتقا ءوندىرىلىپ, جوعارى دەڭگەيگە جەتىپ وتىر.

2024 جىلى اۋداندا ينفراقۇرىلىمدى جاقسارتۋ بويىنشا اۋقىمدى جۇمىستار باستالدى. الەۋمەتتىك وسال توپتاعى ازاماتتار ءۇشىن جالپى اۋدانى 5 916 ش. م. 88 ءۇي ساتىپ الۋ جوسپارلاندى. اقبۇ­لاق جانە پولوۆينكي اۋىلىندا سۋ قۇبى­رى جەلىلەرىنىڭ قۇرىلىسىن اياقتادى. العاباس پەن شاعان اۋىلدارىندا وسىنداي جۇمىستار جۇرگىزىلىپ جاتىر. كوشە جارىعى ءتورت ەلدى مەكەندە ورناتىلدى. 6 اۋىلدا جارىقتاندىرۋ بويىنشا قاجەتتى قۇجاتتامالار دايىندالىپ ءتيىستى قۇزىرەتتى باسقارماعا بيۋدجەتتىك تاپسىرىس ۇسىنىلادى.

«وبلىس تۇرعىندارىنىڭ ءومىر ءسۇرۋ ساپاسىن ارتتىرۋ مەن ءال-اۋقاتىن ارتتىرۋ بويىنشا ۇنەمى جۇمىس جۇرگىزىلىپ وتىر. مىندەت – ءوڭىر تۇرعىندارى ءۇشىن قولايلى جانە قاۋىپسىز ورتا قۇرۋ. بۇل شارۋادا سىزدەردىڭ دە وبلىس ومىرىنە بەلسەندى قاتىسۋلارىڭىز ونىڭ دامۋى ءۇشىن ماڭىزدى. وتكەن جىلى اۋقىمدى جۇمىستار جۇرگىزىلدى. بيىل ءبىز ينفراقۇرىلىمدى جاقسارتۋعا, ءبىلىم بەرۋ مەن دەنساۋلىق ساقتاۋدى دامىتۋعا باعىت­تالعان ماڭىزدى جوبالاردى ىسكە اسىرۋ­دى جالعاستىرامىز», دەدى وبلىس باس­شىسى.

اۋدان قۇرامىنا كىرەتىن تاليتسا جانە پريرەچنوە اۋىلدارىندا سۋ قۇبىرى جەلى­لەرىن سالۋ جانە رەكونسترۋكتسيالاۋ ءۇشىن جوبالاۋ-سمەتالىق قۇجاتتاماسى ازىر­لەنىپ ساراپتامانىڭ وڭ قورىتىندىسى الىنعان. جوبالاردى ىسكە اسىرۋ ءۇشىن ءتيىستى باسقارماعا بيۋدجەتتىك ءوتىنىم بەرىلدى.

اۋداندا 18 مەكتەپ جۇمىس ىستەيدى, ونىڭ بەسەۋى كۇردەلى جوندەۋدى قاجەت ەتەدى. 2025–2027 جىلدارعا 11 مەكتەپكە كەشەندى جوندەۋ جۇمىستارىن جۇرگىزۋ جوسپارى ءبىلىم باسقارماسىمەن بىرلەسىپ ازىرلەندى. اۋداندا العاش رەت وزەركي اۋىلىندا زاماناۋي 70 ورىندىق بالاباقشا اشىلدى. 2025 جىلدىڭ ءى توقسانىندا پريرەچنىي اۋىلىندا 60 ورىنعا ارنالعان بالاباقشا اشىلۋى جوسپارلانىپ وتىر.

سونداي-اق العاباس اۋىلىندا سپورت ءمودۋلىنىڭ قۇرىلىسى ىسكە اسىرىلىپ جاتىر. بۇقارالىق سپورتتى دامىتۋ ماقسا­تىندا 3 اۋىلدا دەنە شىنىقتىرۋ-ساۋىق­تىرۋ كەشەندەرىنىڭ جوبالاۋ-سمەتالىق قۇجاتتاماسى ازىرلەندى.

اباي وبلىسى