«بولاشاق» – دۇرىستىعىن تانىتقان باعدارلاما

ەلباسى نۇرسۇلتان نازارباەۆتىڭ اتىنا «بولاشاق» حالىقارالىق ستيپەندياسىنىڭ تۇلەگى ديليارا دامينوۆادان حات كەلدى, دەپ حابارلادى پرەزيدەنتتىڭ ءباسپاسوز قىزمەتى. حات اۆتورى ءوزىنىڭ 1999 جىلى اقش-تاعى روچەستەر تەحنو­لوگيا­لىق ينستيتۋتىنىڭ ماگيستراتۋراسىن «تۋريزم جانە قوناقجايلىق»  ماماندىعى بويىنشا ۇزدىك ءبىتىر­گەنىن ايتادى. قازاقستانعا كەلگەن سوڭ د.دا­مي­نوۆا العان ءبىلىمىن تاجىريبە جۇزىندە قولدانىپ, بىرقاتار مەكەمەلەردە جۇمىس ىستەيدى, ال 2008 جىلى كانديداتتىق ديسسەرتاتسيا­سىن قورعايدى. وندا قورىقتار مەن ۇلتتىق سايا­باق­تارداعى تۋ­ريزمدى ۇيىمداستىرۋعا ارنالعان ۇسىنىمدار كورىنىس تاپقان. قازىرگى ۋاقىتتا ول ءال-فارابي اتىنداعى قازاق ۇلتتىق ۋني­ۆەرسيتەتىندە قوناقۇي مە­نەدج­مەنتى جانە تۋريزم ءپانى­نەن اعىلشىن تىلىندە ساباق بەرەدى. «ءبىز 1998 جىلى سىزگە ەلىمىزدى وركەندەتۋ ءۇشىن بار كۇش-جىگەرىمىزدى جۇمساۋعا ۋادە بەردىك. ءسىزدىڭ باس­تامالارىڭىز, اتاپ ايتقاندا, «بو­لاشاق» باعدارلاماسى جاستاردى دامىتۋ مەن قولداۋ تۇرعىسىنان دۇ­رىستىعىن ءارى كورەگەندىكتى تانى­تاتىنىن ايتقىم كەلەدى. ال ءبىز «نۇرلى جول» جاڭا ەكونو­مي­كالىق ساياساتى مەن قازاقستاننىڭ الەمدەگى دامىعان 30 ەلدىڭ قاتا­رى­نا ەنۋىن كوزدەيتىن «2050» سترا­تە­­گيا­­سىن ءجۇ­زەگە اسىرۋعا ۇلەس قوسا بە­رە­تىن بولا­مىز», – دەلىنگەن حاتتا. سوڭىندا اۆتور مەملەكەت باس­شى­­سىنا دەنساۋلىق جانە تابىس ءتى­لەي وتىرىپ, ءوزىنىڭ ەلىمىز­دەگى تۋ­ريزمدى دامىتۋ سالاسىن­داعى عىلىمي-زەرتتەۋلەرىن جالعاس­تى­را­تىنىن اتاپ كورسەتكەن.