كەزەكتى وتىرىستىڭ كۇن ءتارتىبى قارالدى

كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتى بيۋروسىنىڭ وتىرىسى بولىپ, وندا ماجىلىستەن تۇسكەن زاڭ جوبالارى ءبولىنىپ بەرىلدى, دەپ حابارلادى وسى پالاتانىڭ ءباسپاسوز قىزمەتى. قارجى جانە بيۋدجەت كوميتەتى قازاقستان مەن ماكەدونيانىڭ ۇكىمەتتەرى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كەلىسىمدى راتيفيكاتسيالاۋ تۋرالى زاڭ جوباسى بويىنشا باس كوميتەت بولىپ بەلگىلەندى. ەكونوميكالىق ساياسات, ين­نو­ۆاتسيالىق دامۋ جانە كاسىپكەرلىك كومي­تەتى «كەدەن وداعىنا مۇشە مەم­­لە­كەتتەر بولىپ تابىلمايتىن, تاۋەل­سىز مەملەكەتتەر دوستاس­تى­عى­نا قاتىسۋشى مەملەكەتتەرمەن ءوزارا ساۋداداعى تەحنيكالىق كەدەرگىلەردى جويۋ تۋرالى كەدەن وداعىنا مۇشە مەملەكەتتەردىڭ كەلىسىمىن راتيفيكاتسيالاۋ تۋرالى» زاڭ جوباسى بويىنشا باس كوميتەت بولىپ بەلگىلەندى. بيۋرو وتىرىسى بارىسىندا پا­لاتانىڭ 2015 جىلعى 5 اقپاندا بولاتىن جالپى وتىرىسىنىڭ كۇن ءتارتىبى بويىنشا ۇسىنىستار ەنگىزىلدى. سەناتورلار قازاقستان مەن ماجارستان ۇكىمەتتەرى اراسىنداعى ولاردىڭ مەملەكەتتەرىنىڭ اۋماعىندا زاڭسىز تۇراتىن ادامداردىڭ رەادميسسياسى تۋرالى كەلىسىمدى راتيفيكاتسيالاۋ تۋرالى; «مۇگەدەكتەردىڭ قۇقىقتارى تۋرالى كونۆەنتسيانى راتيفيكاتسيالاۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك  مەنشىك  سالاسىن قۇقىقتىق رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن ء(بىرىنشى وقىلىم) قاراۋدى جوسپارلاپ وتىر. بيۋرو وتىرىسىندا «قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «نۇرلى جول – بولا­شاققا باستار جول» اتتى قازاق­ستان حالقىنا جولداۋىن ىسكە اسىرۋ جونىندەگى پارلامەنت سەناتىنىڭ ءىس-شارالار جوسپارى تۋرالى» پارلامەنت سەناتى بيۋروسىنىڭ 2014 جىلعى 24 جەلتوقسانداعى №247-V سب قاۋلىسىنا وزگەرىس پەن تولىقتىرۋ ەنگىزىلدى.