فوتو: KAZENERGY ءباسپاسوز قىزمەتى
ءىس-شارا تابيعي رەسۋرستاردى باسقارۋداعى اشىقتىق پەن ونى جاۋاپتى باسقارۋ سالاسىنداعى وزەكتى ماسەلەلەردى تالقىلاۋعا ارنالدى. كەزدەسۋ شەڭبەرىندە دەرەكتەردى اشۋ تەتىكتەرىن جەتىلدىرۋ, مۇددەلى تاراپتار اراسىنداعى ءوزارا ءىس-قيمىلدى جانداندىرۋ جانە ءوساب شەڭبەرىندە قازاقستاننىڭ ۇستانىمىن نىعايتۋ پەرسپەكتيۆالارى قارالدى.
«قازاقستان كومىرسۋتەكتەر مەن ۋراننىڭ الەمدىك جەتەكشى ءوندىرۋشىسى رەتىندە تابيعي رەسۋرستاردى باسقارۋدا بارىنشا اشىقتىق پەن ەسەپتىلىككە ۇمتىلادى. ءوساب-مەن ارىپتەستىك ارقىلى ءبىز اشىقتىق ستاندارتتارىن كوتەرۋگە, ىسكەرلىك احۋالدى جاقسارتۋعا جانە قازاقستاننىڭ حالىقارالىق ارەناداعى وڭ ءيميدجىن نىعايتۋعا نيەتتىمىز», دەدى KAZENERGY توراعاسى ماعزۇم مىرزاعاليەۆ.
ءوساب حالىقارالىق حاتشىلىعىنىڭ باسشىلىعى ءوز تاراپىنان KAZENERGY مۇشەلەرىنىڭ حالىقارالىق باستامانى ىسكە اسىرۋعا قاتىسۋىن وڭ باعالادى. ول سونداي-اق ءوساب بويىنشا KAZENERGY قاۋىمداستىعىنا مۇشە كومپانيالاردىڭ ەسەپتىلىكتى ۇسىنۋىن تسيفرلاندىرۋدىڭ جوعارى دەڭگەيىن دە اتاپ ءوتتى.
«حاتشىلىقتىڭ باعالاۋى بويىنشا ءوندىرۋشى كومپانيالار اقپاراتتى اشۋ تۇرعىسىنان دا, ءوساب ۇلتتىق كەڭەسىنىڭ جۇمىسىنا قاتىسۋ تۇرعىسىنان دا ءوساب-عا تولىق كولەمدە بەلسەندى جانە ءتيىمدى قاتىستى», دەدى حەلەن كلارك حانىم.
كەزدەسۋگە قاتىسۋشىلار كومپانيالاردىڭ ءوساب قىزمەتىنە قاتىسۋىن جانداندىرۋ باستامانى ىسكە اسىرۋدىڭ تيىمدىلىگىن ارتتىرۋعا جانە قازاقستاننىڭ حالىقارالىق قوعامداستىقتاعى ءرولىن نىعايتۋعا ىقپال ەتەتىنىن اتاپ ءوتتى.
«بۇگىنگى كەزدەسۋ ءبىزدىڭ تۇراقتى دامۋعا دەگەن ۇمتىلىسىمىزدى راستادى. KAZENERGY-گە مۇشە كومپانيالاردىڭ بەلسەندى قاتىسۋى ءوساب-مەن ناتيجەلى ىنتىماقتاستىقتا جانە قازاقستاننىڭ ءوندىرۋشى سالالارى ءۇشىن تۇراقتى بولاشاقتى قالىپتاستىرۋدا شەشۋشى ءرول اتقارادى», دەپ تۇيىندەدى م. مىرزاعاليەۆ.
كەزدەسۋ ناتيجەسىندە KAZENERGY قاۋىمداستىعى مەن ونىڭ مۇشە كومپانيالارىنىڭ قازاقستاننىڭ ەۋرازيالىق كەڭىستىكتەگى ورنىقتى دامۋ جانە اشىقتىق سالاسىنداعى كوشباسشى رەتىندەگى بەدەلىن نىعايتا وتىرىپ, ءوساب-مەن بەلسەندى ءوزارا ءىس-قيمىلدى جالعاستىرۋعا دايىندىعىن راستادى.
