«2017-2023 جىلدار ارالىعىندا سوتتالۋشى ورتالىققا ءتورت ازاماتتى جالعان جۇمىسقا ورنالاستىرعان. ولار جۇرگىزۋشى, شارۋاشىلىق مەڭگەرۋشىسى, زاڭگەر جانە سانيتار قىزمەتتەرىندە «تىركەلگەن» بولىپ, شىن مانىندە جۇمىس اتقارماعان. ء«ولى جانداردىڭ» اتىنا اۋدارىلعان قاراجاتتى سوتتالۋشى ءوز پايداسىنا جىمقىرعان», دەپ جازىلعان حابارلامادا.
ايىپتالۋشى ءوز كىناسىن تولىق مويىنداپ, جىمقىرعان قاراجاتتى قايتاردى. قوستاناي قالاسى اكىمدىگىنىڭ وكىلى سوت بارىسىندا ايىپتالۋشىنىڭ جازا جەڭىلدەتۋ تۋرالى پروتسەسسۋالدىق كەلىسىم جاساسۋىنا قارسىلىق بىلدىرمەدى.
«پروتسەسسۋالدىق كەلىسىمنىڭ بارلىق شارتى ورىندالعان ىستەر بويىنشا قىلمىستىق قۇقىق بۇزۋشىلىق ءۇشىن تاعايىندالاتىن جازا مەرزىمى مەن مولشەرى ءتيىستى باپتا كوزدەلگەن ەڭ قاتاڭ جازانىڭ جارتىسىنان اسپاۋعا ءتيىس», دەلىنگەن سوت حابارلاماسىندا.
سوت ۇكىمى بويىنشا ايىپتالۋشى ەكى جارىم جىلعا ورتاشا قاۋىپسىزدىك قىلمىستىق-اتقارۋ جۇيەسى مەكەمەسىنە باس بوستاندىعىنان ايىرۋ جازاسىنا كەسىلدى. سونىمەن قاتار, سوتتالۋشى مەملەكەتتىك قىزمەتتە جۇمىس ىستەۋ قۇقىعىنان ءومىر بويىنا ايىرىلدى. ونى سوت زالىندا قاماۋعا الدى.
